1. MANIFESTO NO DÍA ESCOLAR DA PAZ E A NON VIOLENCIA
Hoxe Día escolar da Paz e a non Violencia dende o CPI Conde de Fenosa manifestámonos e
pronunciámonos:
Somos os nenos e nenas que integrarán a sociedade do século XXI e soñamos cun planeta en
harmonía entre as xentes e paz entre os pobos.
Soñamos que chegará o día en que as fronteiras marcarán só os antigos reinos nos que se xestou
unha lingua e unha cultura, pero non serán xa máis os filtros con que uns homes excluamos do noso
lado a outros irmáns nosos.
Soñamos co día en que os recursos da terra permitan a cada pobo o seu propio desenvolvemento,
cesen as explotacións dos máis fortes sobre os máis débiles e o desenvolvemento e a cultura sexan
os fundamentos da vida das nacións en paz.
Soñamos co día en que as nosas valoracións non terán en conta o sexo nin as razas sobre a terra,
porque a máxima importancia consistirá en ser persoa humana.
Soñamos co día en que os corazóns de todos superen os receos, as envexas e as desconfianzas e nos
patios das nosas escolas non se coñezan nunca máis as pelexas nin as ameazas.
Soñamos co día en que todos os fogares sexan o espazo onde os adultos cada día recobran a
bondade interior e a tenrura e nós, os pequenos, desenvolvamos uns ollos limpos e un corazón
forte.
Soñamos co día en que sexa necesario borrar do dicionario palabras como terrorismo, guerra,
violación, escravitude... porque, logo de caer en desuso, carecen xa de significado.
Soñamos que chegará un fermoso día no que as montañas e os bosques, os mares e os peixes, o ar,
as plantas, os animais e o home serán pureza e harmonía natural.
SOÑAMOS CON ESTE FERMOSO DÍA PORQUE O QUEREMOS, PORQUE O INSTINTO DE VIDA DINOS
QUE O NECESITAMOS, PORQUE DE NÓS DEPENDE, E CADA DÍA SOMOS MÁIS E MÁIS OS QUE NOS
ESTAMOS CONVENCENDO.
QUE CHEGUE PRONTO O DÍA EN QUE TODOS, AO LEVANTAR A VISTA, VEXAMOS UN MUNDO NOVO
ONDE POÑA ¡SOLIDARIEDADE, AMOR E LIBERDADE!
VIVA A PAZ!!!