1. FUNDACIÓN MARIA S. COLMEIRO
COLEXIO PLURILINGÜE
MARIA INMACULADA
SILLEDA (Pontevedra)
IDEARIO
2. FUNDACIÓN MARIA S. COLMEIRO
COLEXIO PLURILINGÜE
MARIA INMACULADA
SILLEDA (Pontevedra)
IDEARIO
PREÁMBULO
A Constitución e as Leis que a desenvolven, recoñecen o
dereito de todos á educación e á liberdade de ensinanza. Nunha
sociedade democrática e pluralista como a nosa están garantidos
dereitos e liberdades tales como o dereito a unha escola que
promova o desenvolvemento integral das persoas, a elixir o tipo de
educación para os seus fillos, a crear e dirixir escolas e impartir un
determinado tipo de educación, a realizar unha acción docente con
liberdade consonte ás características propias do centro,...
Os poderes públicos son os responsables de asegurar os
dereitos e liberdades dos cidadáns e facer posible o exercicio
práctico do dereito de todos a educación, asegurando a gratuidade
nos tramos obrigatorios e a liberdade de ensinanza.
Neste contexto, as diferentes concepcións do ser humano,
da vida e do mundo orixinan unha pluralidade de ofertas
educativas e unha diversidade de centros.
Neste marco, a Fundación Maria S. Colmeiro (Colexio María
Inmaculada) consonte ós seus fins e compromisos estatutarios
ofrece o seu particular Proxecto Educativo.
3. A NOSA IDENTIDADE
O COLEXIO MARÍA INMACULADA de Silleda (CMI) promovido pola
Fundación María S. Colmeiro e consonte ós seus estatutos, é un Colexio
Confesional cristián-católico e ten como norma suprema de actuación para
os pais, profesores, alumnos e persoal vencellado ó mesmo, a doctrina da
Igrexa Católica e, como criterio interpretativo da mesma, a doctrina e
orientacións do Papa, dos Organismos da Santa Sede e do Prelado
Diocesano. En consecuencia:
.- Forma parte da Parroquia de Silleda compartindo
A Fundacion María
a súa misión evanxelizadora. Seoane Comeiro é unha
.- Promove a educación integral dos seus alumnos Institución Benéfico-
dende unha visión cristiá do ser humano e do mundo. Docente e foi declarada
de Interese Galego en
.– Prepara ós seus alumnos para o compromiso 1998
social, en orde a creación dunha sociedade máis xusta e
solidaria.
.– Esta aberto a todos os que desexen a educación que ofrece.
.– Acóllese a financiación pública para garantir a gratuidade da
educación e evitar toda discriminación por motivos económicos e
.- Estructúrase como Comunidade Educativa coa participación de todos
os que a configuran e asumen o seu Proxecto Educativo.
A NOSA PROPOSTA EDUCATIVA
No CMI procuramos favorecer o crecemento e a maduración dos
alumnos en todas as súas dimensións. Con este propósito:
-Axudámolos a descubrir e potenciar as súas posibilidades
físicas,intelectuais e afectivas.
-Educamos a súa dimensión social e promovemos a inserción no mundo
de xeito crítico, responsable e constructivo.
-Fomentamos o desenvolvemento ético e transcendente da persoa e
promovemos o descubrimento de valores e a formación de actitudes.
A educación cristia debe ter sempre o carácter dun ofrecemento
respectuoso en relación á liberdade de todos os alumnos, os profesores e as
familias, quen, en reciprocidade, deben respectar o carácter propio do Centro
consonte ós seguintes criterios:
4. -Anunciamos explicitamente a mensaxe de Xesús e promovemos a
formación de alumnos conscientes e responsables a través da presentación
fundamentada da Relixión.
-Favorecemos a coherencia entre Fe e o conxunto de saberes, valores
e actitudes dos crentes, de xeito que desemboque na sintese entre a Fe e a
vida, e na súa participación activa na comunidade.
-Educamos en e para a liberdade, a xustiza, a solidariedade e a paz
como valores que enriquecen a acción educativa.
O NOSO ESTILO NA ACCIÓN EDUCATIVA
O noso estilo educativo nace do espíritu promovido pola figura de Dª
María Seoane Colmeiro e os fins e compromisos da Fundación que leva o
seu nome, entre os que cabe destacar:
-O amor e a entrega considerados como punto de partida para unha
educación integral e como únicos medios que a fan posible.
-Unha relación sinxela e próxima entre todos os membros da
comunidade educativa.
-O desenvolvmento de valores de
solidariedade e fraternidade. O Colexio María Inmaculada
-Unha educación personalizadora capaz forma parte da Parroquia de
de integrar de xeito harmónico todas as Silleda compartindo a súa
dimensións humanas. misión evanxelizadora.
- Unha pedagoxía activa, realista e práctica.
-Un compromiso cos intereses dos menos favorecidos social e
economicamente.
-A constancia, tenacidade, amor ó traballo ben feito, fundamento dunha
tarefa educativa responsable.
Neste sentido o CMI quere ofrecer unha educación de calidade
orientada a promover o descubrimento de valores e formación de actitudes
mediante un clima escolar axeitado, cunha metodoloxía innovadora e flexible,
aberta a experimentación pedagóxica e capaz de fomentar o
desenvolemento intelectual para que cadaquén chegue ó maximo das súas
capacidades e posibilidades.
Por último consideramos importante avaliar todas as nosas accións de
cara a unha mellora continua tendo como referencia explícita a noma ISO
9001-2000.
5. A NOSA COMUNIDADE EDUCATIVA
Queremos que noso Centro sexa unha Comunidade Educativa onde..
... a Entidade Titular facilite os principios e criterios de actuación que
garanticen a calidade da educación cristia que queremos impartir;
...os Alumnos interveñan activamente na vida do Centro e asuman
responabilidades proporcionadas á súa idade e capacidade;
...os Profesores se impliquen na preparación, realización e avaliación
do Proxecto Educativo.
...os Pais, as nais ou titores legais, primeiros responsables da
educación dos seus fillos, participen na vida do Centro e presten o seu apoio
a través, sobre todo, da Asociación de Pais e Nais de Alumnos e
...o Persoal de administración e servicios aporte a súa valiosa
colaboración necesaria para un bo funcionamento do Centro.
O NOSO MODELO DE XESTIÓN
Todos os compoñentes que configuran a Comunidade Educativa do CNI
actúan cunha finalidade primordial: a formación integral dos alumnos. Con
esa intención:
-Contamos cun Proxecto Educativo que concreta a realización gradual e
progresiva da nosa proposta a través de diferentes órganos de goberno,
participación e xestión.
-Alentamos a participación de todos/as na vida do Centro de cara a
configurar unha auténtica Comunidade Educativa.
-Contamos cun Regulamento de Rexime Interior que describe a
organización e funcionamento do Centro asegurando unha axeitada
coordenación de todos os organos.
-Temos un Consello Escolar e un Consello de Pastoral que promove a
actualización do Proxecto Educativo, favorece a inserción no entorno social e
eclesial e fomenta a corresponsabilidade.
6. Fundación María Seoane Colmeiro
Fundación Benéfico-Docente declarada de Interese Galego
COLEXIO PLURILINGÜE
MARIA INMACULADA
Rúa María Colmeiro, 4
986-58.00.13
36540.– SILLEDA (Pontevedra)
www.colexiomariainmaculada.es
e-mail: cpr.maria.inmaculada.silleda@edu.xunta.es