1. Día Escolar da paz e a non violencia. CPI Plurilingüe Virxe da Cela 30 xaneiro de 2019
Todos os membros da Comunidade Educativa do CPI Plurilingüe Virxe da Cela queremos facer
público, neste acto, o noso compromiso coa paz.
Cremos que a educación debe ser a arma única e máis poderosa que pode usarse en contra da
violencia e a favor da paz. Para iso é necesario, que como hoxe, todos esteamos de acordo en
abrazala.
A paz duradeira é requisito para o exercicio de todos os dereitos e deberes humanos. Non a paz do
silencio, dos homes e mulleres silenciosos, silenciadas. A paz da liberdade, da alegría, da igualdade,
da solidariedade… onde todos os cidadáns conten, convivan e compartan.
Non basta coa denuncia. É tempo de acción. Non basta con coñecer, escandalizados, o número de
nenos explotados, o número de refuxiados ou de famentos. Trátase de reaccionar, todos e cada un.
Non hai que contemplar soamente o que fan os gobernos. Temos que desprendernos dunha parte
“do noso" porque só así poderemos forxar un mundo máis xusto, máis solidario, máis libre, digno
e harmonioso para todos e todas.
Abrazar a paz é un reto alcanzable se o afrontamos xuntos, por iso todos os que hoxe estamos
aquí imos levantar e a unir as nosas mans para cantar á paz e que a nosa mensaxe chegue alá
onde a guerra instalouse na almofada dos soños dos nenos.