The document provides information about upcoming events at the T.K.P. Patmos Chanchinbu in Phek District from May 12-18, 2014. It includes details about a crusade with Rev. Dr. V. Laldingliana speaking, a Christian fellowship week, the church's financial status, and arrangements for an upcoming evangelical cell meeting. It also discusses repairs underway at the church building and encourages mothers on Mother's Day. The editorial reflects on the role of the church in society and the importance of nurturing relationships.
No 1 astrologer amil baba in Canada Usa astrologer in Canada
Vol. XV Issue No. 11 11 May 2014 Pathianni
1. Vol. XV Issue No. 11 11 May, 2014 (Pathianni)
F.O.D HUN RUAT
T.K.P
B.K.H.P
ZINGTAWNGTAIINKHAWM
(12th
May, 2014 – 18th
May, 2014)
Thawhtanni : Upa PC. Lianruma
Thawhlehni : Pi Biakthuami
Nilaini : Pi B. Lalrinsangi
Ningani : Pu K. Thanga
Zirtawpni : Rbt. Lalrintluanga Colbert
Inrinni : Tv. V. Lalruatpuia
Pathianni : Nl. R. Lalthlanawmi
Since 1999
KOHHRAN HUN RUAT
May11:Pathianni
Zing :
Hruaitu : Upa ZD. Zotluanga
Thuhriltu : Rev. Dr V. Laldingliana
Zan :
Hruaitu : Upa C. Lalnunsanga
Thuhriltu : Rev. Dr V. Laldingliana
May 14: Nilaini
Zan :
Thuhriltu : Upa R. Lalthanzauva
Tlai Tawngtai : (Missionary Pual)
Hruaitu : Pu F. Vanlalawmpuia
Fellowship :
Crusade lai a nih avangin a hranpa-in
fellowship neih a ni lo vang.
May 12, Thawhtanni Zan Inkhawm :
Hruaitu : Pi Zonunsangi
Bible Chhiar : Pi Lalawmpuii
Hla Thlangtu : Pi Rothangpuii
Thawhlawm Khawntu : Pi Laltleipuii
Thuzir hruaitu : Pi B. Lalrinsangi
Zirtawpni Zan - Tu leh fate tana tawngtai:
Hruaitu : Pi Vanlalhriati
B.M.P
May 15, Ningani Zan Inkhawm :
Hruaitu : Pu F. Lalengropuia
Ka hla duhzawng : Pu Duhmunga
Thawhlawm Khawntu : Pu Steven Lalrinnunga
Thawhlawm Hlantu : Pu C. Lalkhuma
Thuzir hruaitu : Pu Rochungnunga
Vawiin hi khawvel pum huap pawha ni pawimawh tak,
‘Mother’s Day’ a ni. Hemi ni hi naupang te leh puitling tawh
te pawhin anmahni hringtunu te an chawimawina ni a ni.
Bible-ah hian nute hi a bik taka han fakna leh sawimawina
tam lua lo mah se mitin hian chhungkua-a an pawimawhna hi
kan haider thei lo vang. An hming ringawt pawh hi lam a nuam
a, nu awmna inchhungah chuan, ‘ka nu’ tih hi a thunawn ang
maiin a ri deuh reng a nih hi. Chuvangin khawvela hming lam
nuam leh lam zin pawlte zingah chuan ‘ka nu’ tih hi a tel ve
phak a ni an lo ti hial a. Naupang te pawhin an tawng thiam
hmasak ber pawh ‘a nu’ tih hi a ni. An hmuiah phei chuan ‘nu’
tih hi a bet tlat a, Pathian hming anga hlu a ni. Naupan lai
chauh ni lovin, kan puitlin hnuah pawh nu te hi kan lam reng
a. An thih tawh hnuah pawh ‘ka nu kha chu...’ tiin kan la lam
ri reng tho mai nia. ‘Ka nu’ tih hian inchhung hi a luahlum a, a
tinuam a, a tihlim a ni. Ziaktu pakhat chuan, “NU tih thumalah
hian thinlung hlimna engzata tam nge inphum ang aw?” tiin a
lo zawt hial reng a ni.
Chhungkuaah hian pate chu hluin pawimawh viau mah se,
eizawngtu leh chhungkaw chawmtu ber an nih avangin
chhungkua an uaplum hman tak tak lo va. Chuvangin ‘pa chuan
chhungkua a din a, nuin a luahlum a ni’ an lo ti thin. Nu tel lo
chuan chhungkua hi a kim thei lo va, a ruak huai a ni ber mai.
Naupang leng hawngte pawh hian, “Khawnge ka nu?” tih hi
an ka atangin a ri hmasa ber a. Naupang mai ni lo, pa khawilo
kal hawng pawhin nu ber a hmuh loh chuan, “Khawnge i nu?”
tih hi a fate a zawh hmasak ber a ni ziah thin. Hei hian nute
pawimawhzia chu a tarlang chiang hle.
Nu chu inchhungkhurah missionary tha ber a ni. D.L.
Moody chuan, ‘Ka nuin min enkawl ang hian mi nu te hian an
fate enkawl sela chuan khawvelah hian tanin hi a awm lo vang”
a ti a. Napoleon leh George Washington te pawh dinhmun sang
taka an awm theihna chhan chu enkawltu nu tha an neih vang
a nih thu an sawi. George Herbert-a chuan, “Nu tha tak pakhat
chu zirtirtu za hen a ni,” a ti hial. Hringnuna buaina leh harsat
karah pawh nun kawng chhuk chho min khalhngiltu leh
zirtirtu tha ber chu nute hi an ni. John Randolph (American
statesman) pawhin, “Ka naupan laiin ka nuin ka kut a chelh
a, a bulah mi thingthittir a, ‘Kan Pa, vana mi, I Hming zahawm
rawh se,’ mi tihtir thin kha hrechhuak leh hlauh kher lo ila
chuan Pathian awm ring lo mi ka ni ang,” a ti hial a ni.
Nu tha chu fate tan chauh pawh a ni lo, pasal te tan hlei
hlei hian an hlu. Bible pawhin a pasal tan lallukhum a ni a ti.
Hei bakah hian hmeichhe khawsak tha chu a man pawh lunghlu
sen mi aia sang daih a nih thu Bible hian min hrilh a ni (cf.
Thuf. 31:10). Juda-ho thufing pawhin, “Pathianin hmun tina
awm a duh avangin nute hi a siam a ni,” a lo ti hial reng a ni.
Nu thate hi an hluin an pawimawh a, Vanrama an lawmman
dawn tur pawh a tam ngawt ang!
Nute u, in va pawimawhin, in va hlu em! Chhungkua,
kohhran leh ram te hi a chhiat leh a thatah in mawhphurhna
a ni tih hriain han tang sauh sauh teh u. He leiah hian in hlut
leh in pawimawh em avang hian Vantirhkohte meuh pawhin
in dinhmun hi an luah zo lo asin! Vawiin, in ni pual hian
lawmthu kan hrilh che u a, zah takin chibai kan buk a che u.
NUTE HLUTNA LEH PNUTE HLUTNA LEH PNUTE HLUTNA LEH PNUTE HLUTNA LEH PNUTE HLUTNA LEH PAAAAAWIMAWIMAWIMAWIMAWIMAWHNAWHNAWHNAWHNAWHNA
2. Editor : ZD. Laltanpuia - 9862559084
Jt. Editor : Lalsangzuala - 8974287751
News Editors : Lalchhawnsanga - 9863372684
: Lalpekhlui - 9612612514
Circulation Managers : Jonathan Lalmuanawma
: Lucy Remruatpuii
Advisers / Patrons : Upa F. Lalthuamluaia
: Upa Lallunghnema
Editorial ......
## Crusade neih mek a ni: Kumin atana kan Unit
TKP Annual Plan zinga mi Crusade neih chu kar
hmasa nilaini (May 7) zan atang khan tan a ni a,
zanin hian a tawp ang. Ziahlan tawh ang khan he
Crusade-ah hian Rev. Dr V. Laldingliana chu Speaker-
ah hman a ni. He crusade chhim tur hian bial
chhunga unit TKP hrang hrang te pawh sawm an ni.
Kan kohhran pawhin he crusade hi kan hlawkpui hlea
hriat a ni.
## Kristian chhungkaw hapta: Karleh Pathianni
(May 18) atanga inrinni (May 24) thleng hian Kristian
chhungkaw hapta hman a ni dawn a. He hunah hian,
‘Pathian ram thilpek’ tih chu zirho a ni dawn a ni.
Chhungkaw tinin he hun hi ngai pawimawh a, a
hlawk thei ang bera hmang turin kohhran hruaituten
min ngen a ni.
## Sum pek tawh dan: April thla thlenga kan koh-
hranin headquarters target kan pek tawh zat hi Rs.
94,230/- a ni a, chu chu kan target atanga 6.26% a
ni. Kohhran hote thilpek lama tan la sauh sauh turin
kohhran hruaitute’n min ngen nawn leh a ni.
## FOD aiawh turte: AAA&DC ruahmanna
bawhzuia kan kohhranin BCM Serhmun, Zawlnuam
bial kan tlawh turah FOD tin atanga aiawh kal turte
chu tihchian a ni ta. TKP aiawhin Tv. Lalrindika, BMP
aiawhin Pu HT. Lalhmingliana, KNP aiawhin Pu
Rinthanga te an ni dawn a. BKHP lam atang hian
aiawh kal thei tur an awm dawn ta lo a ni.
## Biak In sak mek dinhmun: Biak in kan sak mek
pawh tunlaiin ngawrh taka chhunzawm zel a ni.
Tunah hian biak in chung rel (steel structure) tur
chu hlan zawh a ni tawh a, rei lo teah a chung tur
pawh chih a nih thuai beisei a ni. Hei bakah hian
kan biak in satu (contractor) te leh kan kohhran
hruaitute pawhin hna thawh dan turah inremna
(agreement) an ziakfel tawh bawk.
## Tawngtai ngawrh: Crusade kan neih tur pual
hian TKP Evangelical Cell huaihawtin tawngtaina a
tam thei ang ber neih thin a ni. A dawn hnaih phei
kha chuan ngawrh lehzuala neih a ni.
Patmos Chanchinbu, Phek 2-na T.K.P., Republic Vengthlang Unit 11 May, 2014 (Pathianni)
ChanchinChanchinChanchinChanchinChanchin
TUALCHHUNG
Kan kohhran hi....i hria em?
He khawvela kohhran a din chhan bulpui ber
chu Pathiam Ram tihzau, tihngheh leh lanfiahtir a
ni. Hei bakah hian tisa lama midangte tana
malsawmna nih hi kohhran dinchhan zinga tel ve a
ni tih hi kan hriat a tul. Kan kohhran pawh hian
Thlarau lam thil mai piah lamah tisa lam thil pawha
midangte tana malsawmna nih hi kan thil tum te
zinga mi a ni tih kan hria a, a takin kan lantir bawk
a ni.
Vengchhunga motor a luh theihna atan kan
biak in compound hi kohhran committee chuan BCM
hotute a rawn hnu-ah phal takin kawngpui kal-
tlangna atan kum 2007 khan pek a remti a. Ram pek
zat hi metre 4 vel laia zau, metre 20 vela sei a ni.
Tunah chuan kan hmuh angin kawngpui mam tha
tak kaltlangin, vengchhung mite bakah keini
kohhran ngei pawh a hmang tangkaitu kan lo ni ta
a ni. He kawng hi Republic Vengthlang Local Council
chuan Biak In Road tiin a hming hi a vuah nghe
nghe a ni.
April Thla Pathian Ram Luh Dan
Thawhlawm Ip Lut Zat - 83
1. PRZ - Rs. 44,250/-
2. Ramthim - Rs. 34,250/-
3. Tualchhung - Rs. 26,625/-
4. Relief - Rs. 14,620/-
5. Biak In Sakna - Rs. 87,550/-
6. Krismas & Others - Rs. 5,955/-
Sub-Total - Rs. 2,13,250/-
7. Buahfai Tham - Rs. 15,730/-
G. TOTAL - Rs. 2,28,980/-
Tun tum Patmos issue chu ‘Mother’s Day’ a
ni bawk a, nu chungchang lampangah kan
luangliam nasa hle mai. Crusade kan neih mek
lai a ni nachungin nute pawimawhzia leh an
hlutzia hi an puala ni serhhran ngeiah hian uar
taka tarlan tulin kan hre bawk si a, chuvangin
kan heti ta mai a nih hi.
Min hringtu nute min hmangaihna te, min
duhsakna te leh min enkawlna zawng zawng te hi
an dam lai leh kan kianga an awm ve reng lai hi
chuan ngaia neih mai awlin, an hlutna leh
pawimawhna te hi hriatfiah a har thin. Kan tana
an lo hlutzia leh an pawimawhzia hi tam tak hi
chuan an dam lai khan lo ngaihtuah nachang kan
hre lo mai thei. Mahse an awm tawh loh leh an
thih tawh hnu hian kan hrechiang tulh tulh dawn
niin a lang. An dam laia an tana tihsak ve kan lo
neih tlemzia te leh kan lo duat tawk lohzia te hi a
hnuah inchhir phah nana hmang thin hi kan awm
nualin a rinawm bawk.
Tuna nu la nei te hian hei hi i hria ang u: An
dam lai ngei hian kan tana an hlutna leh
pawimawhna hriat tum ila. Min hmangaihna leh
kan tana an inpekna zawng zawng hi rul seng
dawn lo mah ila, kan hmangaih let ve a ni tih hi
kan theih ang angin lanchhuahtir i tum ang u.
Chumi atana mi tinin harsa lotea kan tih tlan
theuh theih chu an thawih leh zawm a ni. Chutiang
tur chuan tun atangin i inbuatsaih ang u.
“I nu chu a lo tarin hmusit suh,” Thufingte 23:22
Ka nu, ka chunnu duhtak chu.....
3. Patmos Chanchinbu, Phek 3-na T.K.P., Republic Vengthlang Unit 11 May, 2014 (Pathianni)
@@ Property enfiah: TKP-in bung-
rua (property) a neih te hi uluk leh fel
deuh zawka chhinchhiah tum a ni.
Tualchhung kohhran-a Property Sec-
retary leh Unit TKP Secretary te’n
tunlai hian an bawhzui mek a ni.
@@ Insu dawn: Tunkar thawhlehni
(May 13) zan hian sum tuakna atan
insuk hnatlang neih tur a ni. May 12
zan hian kohhran chhungtinah insuk
tur khawn a ni ang. Insukna tur tui
hi lei tum a ni a, insukna hmun tur
hi biak in compound-ah a ni dawn a ni.
@@ Lawmthu sawi: Kan kohhrana
crusade neih mekah a hlawhtlinna
tura theihtawp chhuahtu hrang hrang
- BMP, BKHP leh KNP te leh mimal
chungah unit TKP chuan lawmthu a
sawi a. Hei bakah hian a bik takin
tualchhung kohhran committee
chungah lawmthu a sawi bawk a ni.
## Seminar nei dawn: May 28
(Inrinni) hian kan biak inah bial
huap pastor, upa leh rawngbawl-
tute puala seminar/workshop neih
a ni dawn. He hunah hian Rev.
Lalbiaksanga Chinzah, AGS i/c
Service chu Resource Person atan
beisei a ni. Kan bial chhunga upa
leh rawngbawltute chu he hunah
hian tel vek tura beisei an ni.
## Bial Committee Meeting:
Karleh inrinni (May 17) hian Cen-
tral Church Vestry-ah bial execu-
tive committee meeting pawimawh
tak neih a ni dawn. He meeting-
ah hian thu pawimawh tak tak rel
tur a ni dawn a ni.
## Bial KNP Inkhawmpui: Kar
hmasa ningani (May 8) khan Pu
H. Lalnunzuala in, College Vengah
bial KNP inkhawmpui organising
committee neih a ni. Kumin August
thla tawp lama kan biak ina bial
KNP inkhawmpui lo awm tur
chungchangah thu pawimawh tak
tak rel a ni.
## Sikkim tlawh dawn: Kan bial
Mission Committee chuan May 21-
30 chhung hian Sikkim Field tlawh
turin ruahmanna an siam a, an
bawhzui mek niin thudawn a ni.
He fehchhuahah hian kan bial
chhunga kohhran hrang hrang
atangin mi 5 kal turin an inruatfel
thawkhat tawh a ni.
ChanchinChanchinChanchinChanchinChanchin ChanchinChanchinChanchinChanchinChanchin
Dawn Tisei:
UNIT TKPBIAL CHHUNG Vawikhat chu thingtlang lama awm
tlangval kum 24 mi tawh hi a pa nen relah
an chuang dun a. An chuanna rel
pindanah chuan nupa hi an chuang ve
bawk a. Chu tlangval chu rel tukverh
bulah thuin phur leh hlim deuhin pawn
lam chu a thlir a. Nakinah chuan, “En
teh ka pa, sawng thing te saw hnung
zawngin an tawlh vel a nia,” tiin hlim leh
phur tak hian a pa chu a hrilh a. A pa
chuan hlim deuha lo nuihlet chung hian
engmah a sawi lem lo a.
Chutia an tlangval chuanpui hlim leh
phur tak maia naupang chhia ang maia
au chul an han hmuh chuan an chuanpui
nupa te chuan makti deuh tak hian an en
a. A kum phu lohin a nungchang chu
naupang chhia hlein an hre nghe nghe a.
A hnu deuh lawkah chuan chu
tlangval chu rawn auchhuak lehin, “Ka
pa en teh, chhum te khi kan rualin an lo
thlawk delh delh nia!” tiin nui hawk hawk
chungin a pa chu a hrilh leh a.Apa chuan
engtin maha chhang chuang lem loin
lawm tih hriat tak hian a fapa chu a en
leh ringawt a.
An bula thu, an chuanpui nupa te
erawh chuan chutia tlangval pui ni tawh
naupang chhia ang maia han khawsak
chu rilru lam kim lo leh harsatna nei niin
an ngai ta a.An pafa lah chuan thingtlang
lam chhuak nia an lan bawk avangin thil
chinchang hre vak lo turah an ngai a.
Chubakah a pa chuan a fapa chu rilru
lam doctor hnena inentir tura hruai na-
chang hre lo turah an ngai mai bawk a.
An chuanpui nupa te chuan a pa
hnenah, “Ka pu, i fapa hi doctor thiam
tak hnenah kalpui mai a tha lo maw?
Hetiang te chu tunlai thiamna hmangin
harsa lo takin an tidam thei ngei ang,”
tiin thurawn an pe ta hial a.
A pa chu tawi te hian a han nuih sak
phawt a. Chutah, “Ka kalpui zo chiah
alawm. Tunah hian damdawi in atangin
in lam panin kan haw mek a ni. Ka fapa
hi mitdel sa-a rawn piangchhuak a ni a,
vawiin hian damdawi inah a mit zaiin mit
thar an vuah a, khua a hmu thei ve ta
chauh a nih hi. A nungchang danglam
deuh hlek anga lang pawh kha a la hmuh
ngai loh hlir a hmuh avangin a tan chuan
a mak hlawm em a, a hlim leh lawm vang
a nih zawk kha,” a ti ta a.
Mitin hian mahni tawk theuhah kan
thil tawn azirin mizia lanchhuahtir dan
kan nei theuh a. An awm dan atang
ringawt chuan mi reng reng hi i duh leh
beisei anga awm turin ngai nghal ringawt
suh. An dinhmun zirchian tum hmasa
phawt thin rawh.
Midang Hriatthiam Tum Rawh
I hria em?
** USA-ah chuan nidang zawng aiin
nute ni hian phone hmanga inbiak a
tam bik. A chhan chu hemi ni hian
an nute duhsakna thu hlan leh
lawmthu sawina ni atan an hman
vang a ni. Hei vang hian phone line/
network jam hi 37% ngawtin a tipung.
** Khawvela tawng hmangtu tam leh
larah hian nute sawina hawrawp hi
M-in a intan vek!
** Fa hring naupang bera hriat chu
Lina Medina a ni. Ani hian kum 1939
khan kum 5 leh thla 7 mi niin Peru
khawpui Lima-a damdawiinah fapa
kg 3-a rit chu an zaichhuahsak. A
fapa hrin hi a nau anga enkawlin a
fapa hian kum 10 a tlin hnu-ah Lina
chu a nu tih a hre ve chauh!
** Fa hring upa ber ve thung chu
India mi Satyabhama Mahapatra a
ni. Ani hian April 9, 2003 khan kum
65 mi niin fapa a hring. Ani hi a
chhulah a tunu te nupa chi dahin an
fa paisakin a hrinsak bawk a ni.
** Tumkhata fa hring tam chu
Bobbie McCaughey (Iowa, USA) niin
November 19, 1997 khan phir
pasarih (mipa 4 leh hmeichhe 3) zet
chu minute 16 chhungin a hring zo
hman.
** Fa nei chhang zing ber chu Jayne
Bleackley a ni. A fa hmasa zawk chu
September 3, 1999 khan neiin a
chhang hi March 30, 2000 khan a nei.
A fa hmasa leh a dawttu a hrin
inkarah ni 208 a tla.
Kan kohhran member atangin
a hnuaia tarlante hian tun
HSSLC Exam Result chhuakah
hlawhtlinna duhawm tak chang-
in an pass tih thu dawn a ni. Kan
chhuangin kan lawmpui hle a, an
zir leh zelna turah duhsakna kan
hlan bawk e.
i) Lalduhsaka II Div.
S/o Kaptluanga (L)
ii) Emilyn Zothansangi III Div.
D/o Ahimsa Chinzah
iii) Ramdinsangi III Div.
D/o Lalhmangaihzuala
Kan han tarlanah hian tihsual
palh awm thei a ni a, chutiang a
awm a nih chuan ngaihdam kan
dil lawk e. Heng kan tarlan te hi
kan hriat theih chin zawng an ni
rih a, tarlan hmaih an awm a nih
chuan Editorial board member te
hriattir ni se, issue lehah a kim-
changin tarlan a ni ang.
Lawmpuina
4. Patmos Chanchinbu, Phek 4-na T.K.P., Republic Vengthlang Unit 11 May, 2014 (Pathianni)
Published & Edited by Patmos Editorial Board for and on behalf of T.K.P., Republic Vengthlang Unit.
Naupang Pual:Hriatzauna:
In pakhat hi nasa deuh maiin a kang
hluah hluah tawh a. In kang mekah chuan
hmeichhe naupang kum 2 mi vel hi a nuin
a muttirna khumah chuan a la mu a, in
kangah chuan lo harhin a hlau tap ri pawh
chu a hriat theih a.
Chutih lai chuan mipui kar atangin nu
pakhat hi patling 4 zetin dawmbetin tap
tuar tuar chungin, “Min thlah teh u. Ka
fanu kanghlum tur chu ka phal lo. Duh
leh ka thihchilh mai ang,” tiin nasa deuh
hian talchhuah tumin a bei a. Mite chuan,
“Ka pi, i fanu chu i chhan hman tawh
lovang. In kang hi a nasat tawh em hi, kal
lo mai rawh,” tiin an lo thlem a.
Vawilehkhatah a talchhuak thut a, in
kangah chuan zuanglutin a fanu chu rizai-
a tuam chungin a lo chhuahpui a. Mahse
chu nu chu a kang nasa hle mai, a fanu
erawh chu puana a tuam tlat avang khan
mei chuan a kang hman ve lo va.
Damdawiinah rei fe a awm hnu chuan
a lo chhuak a. Mahse a taksa chuan ngai
awh zo tawh lovin kanna hnuhma ser
mawi lo tak tak hi a kut leh ke bakah a
hmaiah te chuan a awm nual a.
A fanu neihchhun, kangmei laka a
chhanchhuah pawh chu lo thanglianin a
rawn tleirawl chho a. Amaherawhchu
inleng a neih dawn apiangin a nu chu
pindan lamah a awmtir tlat thin a, a zahpui
deuh thin vang a ni.
A inlengte awm laia a lo lan palh hlauh
tum te hian a nu chu thinrim deuh hian a
hau leh hrep mai thin a. Mahse a nu chu a
ngawi reng thin a.
Nakinah chuan a nu chuan thil awmzia
hrilh tawh mai a that ringin a naupan laia
an in kangah tuman an chhan ngam tawh
loh hnua thih mai pawh huama a chhanhim
dan te, chumi avanga thi tepa rei tak dam-
dawiina a awm thu te a hrilh ta a. “Nang-
mah ka chhanna lamah kei chu heti hian
kut leh ke leh hmai pawh hmuh tlak mang
lohin ka awm phah ta a ni. Mahse ka pawi
ti lova, nangmah ber nungdama i awm hi
ka lawmna ber a ni,” tiin a hrilh ta keuh
keuh a.
Chutah zet chuan chuti khawpa a nu
hmangaihna a han hria chu a fanu tlei-
rawl rilru chu a kehsawm ta a. Tap chung-
in, “Ka nu, ka tan i lo va hlu em! Ka zahpui
thin che a, min ngaidam rawh aw? Ka
zahpui leh tawh ngai lo vang che,” tiin a
kuah a. A nu kut, sera khat chu a bianga
hmehbel leh fawh pahin, “Ka nu, i kut hi
ser mah se ka tan chuan khawvela kut
mawi ber a lo ni e. Mite chuan hmelchhia
ti che mah sela ka mitah chuan i hmeltha
ber asin,” a ti ta a.
Nu HmangaihnaMOTHER’S DAY
Nute Ni (Mother’s Day) hi engtik laia lo intan nge tih hi chiang
taka hriat a har tawh hle mai a. Greek-hoin an pathian nu Rhea
chawimawina hun, nipui laia an neih thin atanga intan chho zela
ngaih a ni. A hnu deuhah Kristianna-in Europe khawmualpui a tuam
chhoh zel takah chuan kohhran huang chhungah nute chawimawina
ni atan Pathianni vawi khat chu an lo serh hrang tan niin a lang
bawk. Kum 1600 bawr vel khan England-ah chuan nute pual
Pathianni (Mothering Sunday) hi May thla Pathianni vawi linaah an
hmang thin a ni. Hei bakah hian Europe ram dangah te pawh nute
puala ni bik hman hi an lo ching tawh niin hriat a ni bawk.
Europe-a nute puala ni bik hman chu khawmualpui dangah
te pawh a kangkai chho ta zel a. Kum 1872 khan Julia Ward Howe
chuan USA-ah nute ni hman a rawt a, hei hi he ramah chuan nute
puala ni hman hmasak ber nia ngaih a ni. Kum eng emaw chen hnuah
Boston khuaah nute ni pual inkhawm a huaihawt leh a. Hei hi
lachhawngin Mary Tawless Sasseen, Kentucky-a zirtirtu chuan kum
1887 khan nute ni lawmna a siam ve leh ta a ni. Tichuan kum tinin ni
engemaw ber remchangah nute ni hi hman a ni chho ta zel a.
Kum 1908 hma lam zawng kha chuan USA-ah chuan nute ni
pual hian hun hmang ve bawk mah se sorkarin chawlh (holiday) atan
a puang ngai lova. Kum 1908, May 10 khan Grafton (West Virginia)
khua-a mi Anna Jarvis chuan amah hringtunu, Ann Reeves Jarvis,
kum 1905-a thi ta hriatrengna a buatsaih a. Pi Ann Reeves Jarvis hi
USA tualchhung indo laia a khawilam ve ve sipai hliamte enkawl a,
buai taka hun hmang thin a ni. Hei bakah hian remna leh muanna
duhtu leh a theih ang tawka tlangaupui thintu a ni.
Anna Jarvis chuan chutia a nu hriatrengna a buatsaih pah
chuan nute hlutna leh pawimawhna a tlangaupui pah zel a. Chumi
rual chuan nute ni pual bik hman a tulzia uar takin a campaign pah
zel bawk a ni. Amah leh a thuihruaite chu khawlaia dingin pangpar
chi khat carnation var leh sen hi mi lo kal apiang chu an sem a. Nu
nei tawh lo chu a var pein, nu la nei chu a sen pek pahin duat leh zah
taka an nu enkawl turin an ngen nghal zel a. A kum lehah pawh
chuan chutiang bawk chuan hma la chhovin ramchhung hmun hrang
hrangah an zinkual a. Sorkar thuneitu lamte an theih ang tawka
dawrin sorkar chu nute ni puala hun bik ruat turin an kar a.
Chutia an hmalak ngawrh em avang chuan mi tam takin an
thlawp a, sumdawng lian leh politician tam tak pawh an hmin ta hial
a. USA rama state tam tak chuan official takin nute ni chu chawlh
meuh puanga hmang turin ruahmanna an siam ta hlawm a. Kum
1910 khan Ann Jarvis-i awmna state West Virginia chuan bul tanin
chutianga ruahmanna siam hmasa ber a ni nghe nghe a ni.
An campaign chuan rah tha a chhuah zel a. Kum 1913 chuan
US Senate-a member leh House of Representative ho chuan May 9
chu nute ni (mother’s day) atan an puang ta hial a. A kum leh 1914
chuan USA President Woodrow Wilson chuan May 9 chu Nute Ni
(Mother’s Day) atan nemnghehna hming a sign ta a. Tichuan sorkarin
chawlh meuh puangin nute puala ni bik chu hman chhoh a lo ni ta a
ni. Amah leh a thuihruaite thawhrimna vang liau liaua hlawhtling a
nih avang hian Ann Jarvis-i hi Nute Ni (Mother’s Day) tichhuaktu-
ah pawm a ni ta bawk a ni. Chuta tang chuan khawvel pumah May 9
chu Nute Ni (Mother’s Day) atan an lo hmang ta a. Hun a lo rei deu
hnuah May 9 kher ni lovin, May thla chawlhkar 2-na Pathianni-ah
an hmang ta zawk a, vawiin thlengin kan hmang hlen ta a ni. Tihdan
phungah chuan Mother’s Day hian nu la neite’n kawr sen lam an ha
a, a nei tawh lote’n a var an ha thin a ni.
Kan ramah chhuah Salvation Army te chuan Nute Ni hi urhsun
takin an hmang thin a. Kohhran inkhawmah naupang ho te’n an
nute hnenah pangpar emaw thilpek dang hlanna hun an hmang thin
a ni. Nute Ni pual hian hla bik neiin inkhawm urhsun leh ropui tak
an hmang thin a. Nu nei tawh lo te pawhin kohhran chhunga nu tu
ber emaw hnenah duhsakna thilpek an hlan ve mai thin a ni.