1. Сургалтын зөвлөгөө
/ Хөгжмийн багшийн булан /
Үнэлгээ / 12 жилийн 3 анги /
Үнэлгээ нь суралцагч тухайн хичээлийн хүлээгдэж байгаа үр дүнд хэрхэн
хүрсэн түвшнийг тодорхойлох зорилготой байхаас гадна сурагчдыг
идэвхижүүлэх, урамшуулах, суралцах үйлийг эрчимжүүлэхэд чиглэгдэнэ.
Багш сурагчдад өөрийгөө болон бусдыг бодитоор үнэлэх нөхцөлийг
бүрдүүлэхэд анхаарч, шинээр сурсан дуу, бүжиг, хөгжимт хөдөлгөөндөө
сэтгэл хангалуун, баяр хөөртэй байгаа эсэхийг анхаарч ажиллахын зэрэгцээ ахиц дэвшлийг
сургалтын үе шат бүрээр байнга тэмдэглэн гаргаж, дүн шинжилгээ хийнэ.
Хөгжмийн сургалтаар үнэлгээний дараах хэлбэрүүдийг ашиглаж болно. Үүнд: зорилгоосоо
хамааран агуулга, хэлбэр/ дуулах, хөгжим сонсох, хөгжимдөх, бүжиглэх, дүрд хувирч тоглох/
амаар бичгээр, ангид гэрийн даалгавраар, нийтээр, хэсэг бүлгээр ганцаарчилсан зэрэг олон төрөл
хэлбэртэй байж болно
Үнэлгээний олон хэлбэрийн дотроос ахиц дэвшлийг харуулах зорилготой ­явцын үнэлгээ, үр дүнг
тодорхойлох ­ эцсийн үнэлгээг голлон хийнэ. Харин агуулгын бүрэлдэхүүн хэсэг бүрээр заасан
хүлээгдэж буй тодорхой үр дүн, ялангуяа чадвар, хэрэглээний түвшинг үнэлэх шалгуурыг
хөтөлбөрийн Үнэлгээ гэсэн баганад тодорхойлсон болно.