1. "Papasikat
Nanaman Ang
Araw sa Palawan"
Brian Villanueva
Maria Victoria Balleser
Kevin Bandeleria
Mga litrato mula kay Brian Villanueva
This work is licensed under a Creative Commons Attribution-NoDerivs 3.0 Philippines License.
2. Papasikat na ang araw sa probinsya ng Palawan.
Isa nanaman itong bagong araw para sa lahat ng mga bisita ng isla upang
malibot at masaksihan ang kagandahan nito.
3. Isa ang pamilya "Villanueva" sa mga nakisama sa mga turista na dumayo pa sa
Palawan upang magbakasyon mula sa kaguluhan ng siyudad.
4. Si Brian na kabilang sa kanilang pamilya, ay sobrang nasisiyahan at walang
sawang naglalaro habang pinagmamasdan ang kagandahan ng isla.
"Napakaganda naman dito sa Palawan! Gusto kong libutin and buong isla!"
wika ni Brian.
5. "Oh anak, huwag ka masyadong lalayo sa amin at baka ikaw ay mawala,"
sambit ng kaniyang ina nang siya ay nakita nitong nakahiga sa buhanginan.
"Opo, inay. Dito lang po ako at maglalaro," sagot naman ng anak habang
nakangiti at pinagmamasdan ang mga ulap.
6. "Masaya sigurong manirahan rito sa Palawan. Napakasarap ng simoy ng
hangin at napakarami ng mga puno. Napakalinis pa ng tubig sa dagat," wika ni
Brian habang isinusulat ang pangalan ng kaniyang matalik na kaibigan sa
buhangin.
7. Nakarinig siya bigla ng kaluskos sa kaniyang tabi at nakakita ng
isang isda na nagpupumilit na makabalik sa dagat.
Dali-dali niya itong nilapitan at pinagmasdan.
"Dapat ibalik ko siya sa tubig!" wika ni Brian. Agad niya itong nilagay sa dagat.
8. Nakangiting naglakad pabalik si Brian upang ikwento sa mga magulang ang
pagligtas niya sa isda, ngunit wala na sila roon.
Nataranta siya at dali-daling hinanap sa paligid ang kahit sino man na
miyembro ng kanilang pamilya.
9. "Inay! Itay! Nasaan na po kayo?"
Siya ay tumakbo sa paligid at nakita ang aso na si Puti na nakaupo habang
siya'y pinagmamasdan.
"Puti, maaari bang magtanong?
Nakita mo ba kung saan nagpunta ang aking pamilya?"
10. "Arf, arf. Hindi ko sila napansin. Abala ako sa paghanap ng makakain. Baka
alam ng mga unggoy kung nasaan ang pamilya mo."
Ahhhh, sige po. Maraming salamat, Puti!
At agad namang pinuntahan ni Brian ang mga unggoy.
11. Agad niyang hinanap ang mga unggoy hanggang nakita niya sila sa mga puno.
"Mga unggoy, maari bang magtanong?
Nakita niyo ba kung saan nagpunta ang aking pamilya?"
12. "Ooo-ooo-OOO!. Hindi namin sila napansin. Abala kami sa pagtatanggal ng
kuto. Baka alam ng mga buwaya kung nasaan ang pamilya mo."
Ahhhh, sige po. Maraming salamat, mga unggoy!
At agad namang pinuntahan ni Brian ang mga buwaya.
13. Agad niyang hinanap ang mga buwaya hanggang nakita niya sila sa kanilang
mga kulungan.
"Mga buwaya, maaari bang magtanong?
Nakita niyo ba kung saan nagpunta ang aking pamilya?"
14. "Gusssss-to mo bang malaman? Halika't halikan mo muna ang aming pisngi,"
wika ng isang buwaya.
Nang marinig ni Brian ang kanilang kumukulong tiyan, agad siyang tumakbo
papalayo. "Waaaahhhhh!"
15. Sa kaniyang katatakbo, hindi niya namalayan na ang mga taong nasa kaniyang
harapan ay ang kaniyang ama.
"Itay! Narito lamang po pala kayo!"
16. "Saan ka pumunta, Brian? Sa susunod, huwag ka na humiwalay sa amin ha.
Baka mamaya, may mangyari pang masama sa iyo."
"Opo, itay! Sisiguraduhin ko na po!" Masayang sinabi ni Brian.
