A bubela
e outros galegos curiosos
outro fascinante descubremento do morcego Roque

BU, BU… BU, BU BU…
BU,BU…
Sorprendeuse Roque, a tempada pasada,
ao sentir “bubear”, en galego, na sabana africana.

Achegouse curioso e descubreu sorprendido
a unha bubela chamando por un seu amigo.

-Como pode ser que tan lonxe da terra
escoite a fala das nosas bubelas?.
-Non é nada extrano- respondeulle a bubela-.
Aínda que estou lonxe, eu tamén nacín nela.

-E como puido ser que pasara tal cousa?
Eu son galego de pai, nai e avoas.
-Pois eu, para que o saibas, e aínda que non o creas,
teño, que as recorde, todas as raíces galegas.

Cando medran os días cruzamos o mar
e buscamos un sitio onde aniñar.

Nun burato dun valo,

ou nunha árbore furada,
facemos o niño e coidamos a niñada.

Atendemos ás crías para que medren ben,
e cando o tempo enfría vímonos outra vez.

Pero o meu non é un caso especial,
hai outras moitas aves que tamén o fan.

Tal coma nós, hai algún paspallás,

cegoñas,

rulas… e unhas trinta máis.

Moitas anduriñas,

xirrios

e cucos,
… tamén son galegos

…ata abellarucos.

Hai miñatos queimados,

avenoiteiras,

mouchos de orellas

e gatafornelas.

Reiseñores,

ouriolos,

picanzos vermellos,

escribentas das hortas

e pedreiros cincentos.

Pernileiros,

unha clas de lavandeira,

merlos rubios,

águias perdigueiras…

E como non as coñezo, non che digo máis,
pero sei que hai outras… e algunhas do mar.

Roque admirado de canto aprendera
despideuse agradecido de aquela bubela.

E como pasa sempre, cada vez que sae,
volveu moito máis sabio daquela viaxe.

Catro aves, escollidas,
son as que pasan o mar:
o cuco, a anduriña,
a rula e o paspallás
Cantiga popular
fin
COUSIÑAS FEITAS NA CASA
As imaxes de aves foron collidas da rede.
Agradézolle aos autores a súa dispoñibilidade e agardo saiban
disculpar o uso que fixen delas.
Mon Daporta

Cegoña branca Pica papuda
Miñato abelleiro Pica das árbores
Relación de especies Miñato queimado Lavandeira verdeal
migradoras estivais que Miñato real Reiseñor común
Águia albela Papoazul
crian en Galicia e pasan
Gatafornela Rabirrubio real
o inverno en África Tartaraña cincenta Chasco rabipinto
Águia caudal Pedreiro cincento
Águia perdiceira Pedreiro amarelo
Falcón pequeño Merlo rubio
Píllara areeira Fulepa pintada
Paspallás Fulepa dos carrizos
Sisón Fulepa grande
Pernileiro Fulepa amarela
Rula común Papuxa paporrubia
Moucho de orellas Papuxa común
Avenoiteira Papuxa apardazada
Xirrio Picafollas de Bonelli
Andurón real Picafollas ibérico
Abellaruco Papamoscas cincento
Bubela Ouriolo común
Peto formigueiro Picanzo vermello
Anduriña das barreiras Picanzo rebordá
Anduriña común Escribanta das hortas
Anduriña dáurica Trigueiro común
Anduriña do cu branco Cuco papudo
Cuco común