1 Samuel 18.docx

470 views

Published on

Vadersdag - Tema: Die hele Israel was lief vir Dawid

Published in: Spiritual, Education
0 Comments
0 Likes
Statistics
Notes
  • Be the first to comment

  • Be the first to like this

No Downloads
Views
Total views
470
On SlideShare
0
From Embeds
0
Number of Embeds
4
Actions
Shares
0
Downloads
2
Comments
0
Likes
0
Embeds 0
No embeds

No notes for slide

1 Samuel 18.docx

  1. 1. 1 Samuel 17:56-18:5, 10-16<br />21 Junie 2009<br />Verwelkoming<br />Vadersdag – seuntjie beskryf dit as volg: “Dit is amper net soos Moedersdag. Jy spandeer net minder aan die present vir jou pa.”<br />Om ‘n Pa te wees is vandag baie uitdagend.<br />Soos die 43 jarige Duitse pa wat van die tweede vloer van ‘n woonstelblok se balkon afgeval het en met ‘n helikopter hospitaal toe geneem moes word. Hy was besig met ‘n spoeg-kompetisie met sy 12-jarige seun om te kyk wie die vêrste kan spoeg van die balkon af. Om sy seun te wen, het hy te ver vooroor geleun en toe geval.<br />Twee stukkies raad: <br /><ul><li>Daar is net soveel plofstof in ‘n gemiddelde klapper (firecracker) as in ‘n geweerkoeël. Die klapper maak ‘n groot geraas, maar veroorsaak min skade. Die geweerkoeël maak nie net ‘n geraas nie, dit is ook dodelik. En die verskil is net: die koeël is in ‘n geweer se loop wat dit in ‘n sekere rigting fokus en die plofstof maksimaal aanwend. So – gebruik jou tyd vir gefokusde aandag aan jou kinders en konsentreer om een ding goed te doen.
  2. 2. Dit kan wees om ‘n rolmodel te wees vir jou kinders, waar hulle in jou teenwoordigheid kan sien hoe jy praat, ontspan, moeilike situasies hanteer, saam met jou vrou beplan en julle huislike verantwoordelikhede hanteer.
  3. 3. Of om hulle emosionele tenk vol te hou, deur met aandag te luister na hulle daaglikse uitdagings en daaroor saam met hulle te reflekteer.
  4. 4. En onthou in die tweede plek wat Jesus gedoen het. Hy het soms die skare weg gestuur om alleen by sy dissipels te wees en tyd met hulle te spandeer. Dit is dié tye wat die deurslag gegee het om die kerk te vestig en te laat groei, deur ‘n klomp manne en vroue wat in die nabye kontak met Hom lewensverandering ervaar het. Soms was dit so eenvoudig soos ‘n ete saam met hulle. Ander tye was dit ‘n stuk lering. Nog ander tye was dit die saamgesels oor wat belangrik is. Spandeer tyd saam met jou kinders, nie net deur saam met hulle te gaan kuier by ander mense nie, maar juis sonder ‘n klomp ander mense wat altyd ‘n mens se aandag verdeel.</li></ul>Toetrede<br />Lied 158:1 – Bring my na u woning, Here – sit<br />Votum<br />Seëngroet<br />Lofliedere<br />Lied 185 – Kom alle volke (sing 3x in kanon, Groep I: middelblok; Groep II: gallery; Groep III: syblokke) – sit<br />Lied 198 – God is my lied – staan<br />Toewyding<br />Lied 200:1 – U goedheid, Heer, kan ons nie peil nie – sit<br />Geloofsbelydenis<br />Kindertyd<br />Raaisel: Wat lyk soos ’n olifant, is so groot soos ’n olifant, maar weeg baie minder as ’n olifant?  <br />Antwoord: Sy skaduwee.<br /> Jou skaduwee is die een iets waarvoor jy nie kan weghardloop of wegkruip nie. Jy kan dit nie verloor, laat wegraak, afskrik, wegjaag, of wegwens nie! <br /> Raaisel 2: Wat werk nog soos ’n mens se skaduwee? <br />Die antwoord: God.<br /> Jy kan ook nie vir Hom weghardloop, of wegkruip nie. Jy kan Hom nie verloor, laat wegraak, afskrik, wegjaag, of wegwens nie. <br />En die resultaat is – vreesloosheid. Dis mos hoe jy is as jou pa by jou is! Om alleen in die donker straat te loop, is vreesaanjaend, maar as pa saamstap, is jy vreesloos.<br />Daar is egter een plek waar dit vir jou lyk asof jou skaduwee nie meer by jou is nie en dit is as jy in die donker is! <br />Ja, om jou skaduwee te sien, het jy lig nodig en hoe skerper hoe beter. <br /> Die Bybel beskryf die Here as die lig vir die wêreld (Joh 1). As ons in sy lig lewe, dan hoef ons nooit bang te wees nie, want dan is Hy soos ons skaduwee, digby ons.<br />Skriflesing<br />1 Samuel 17:57-18:5, 10-16<br />Woordverkondiging<br />Die hele Israel en Juda was lief vir Dawid<br />Die skrywer sê vir ons in vers 16, dat die hele Israel en Juda was lief vir Dawid.<br />Hoekom?<br />1. Die eerste rede was sy geveg met Goliat.<br />Abner bring hom juis hier na Saul toe, terwyl Dawid nog Goliat se kop in sy hand vashou. Dit was ‘n defining moment in die lewe van Dawid en van die volk. Die vrees vir die Filistyne was verby – en Dawid was die man wat Goliat oorwin het. Die volk kon weer kop optel, sonder vrees en vernedering, en met meer moed lewe.<br />2. Die tweede rede was Jonatan se liefde vir hom.<br />Jonatan, die kroonprins, het Dawid omhels as sy boesemvriend. Hulle het ‘n verbond gesluit, en Jonatan het sy mantel en uitrusting vir Dawid gegee, eintlik ‘n soort profetiese aksie, waarmee hy sy aanspraak op die troon en die weermag afgee. En ons moet onthou, Jonatan was self dapper en baie geliefd onder die volk, soveel so dat hulle hom op ‘n punt gered het, toe hy die koning se bevel verontagsaam het (hfst. 14). Jonatan se besondere band met Dawid het dus heel moontlik gelei daartoe dat die volk se agting vir Dawid gegroei het. Dit is in elk geval heel onwaarskynlik dat Dawid dit sonder hierdie band met Jonatan sou gemaak het in die huis van Saul. <br />3. Die derde rede was die verdere oorwinnings wat Dawid behaal het. <br />Saul het hom oral gestuur om te gaan veg, en Dawid was oral suksesvol. Soveel so, dat hy die aanvoerder geword het van die manskappe, eerder as Abner. En dit het twee gevolge gehad wat uiters betekenisvol vir die volk se toekoms was: 1) dat hulle van ‘n teokrasie na ‘n monargie kon skuif, wat natuurlik nie ‘n onbedekte sëen was nie, maar darem , en 2) ‘n eenheid tussen die 12 stamme kon smee. Sonder Dawid se uiteindelike koningskap sou die volk moeilik ‘n eenheid kon word.<br />4. Maar die belangrikste rede was die feit dat die Here by Dawid was, en nie meer by Saul nie. <br />Twee keer sê die skrywer: “Saul het bang geword vir Dawid omdat die Here by hom was” (:12) en “(Dawid het) in alles sukses behaal … omdat die Here by hom was.” (:14). <br />Wat leer ons uit Dawid se storie?<br />Een somernag was daar ’n groot donderstorm terwyl ’n mamma haar seuntjie in die bed sit. Sy was oppad om die lig af te skakel, toe die seuntjie in ’n bewende stemmetjie vra: “Mamma, sal jy nie die hele nag by my bly nie?” Die mamma het hom ’n drukkie kom gee en saggies gesê: “Ek kan nie, skat. Ek moet in pappa se kamer slaap.”<br />Na ’n lang stilte het seuntjie gesê: “Die groot bangbroek!”<br />Vrese werk verlammend op mense van alle generasies in ...<br />Vrees is ‘n lelike ding. Ons het al almal vrees beleef. Dis ’n natuurlike emosie, maar as dit jou lewe oorneem, werk dit negatief in op ’n mens. Daarom bereik baie mense nooit hulle maksimum potensiaal in hulle lewens nie, omdat hulle nooit dit wat hulle die meeste vrees, oorwin nie. <br />“Vrees het ’n groot skaduwee, alhoewel hyself maar klein is.” Ruth Gendler <br />“Vrees maak die wolf groter as wat dit is.” (Duitse spreekwoord) <br />Kyk Goliat was groot. Hy was ook vir Dawid groot. Maar in die oë van die volk het Goliat dimensies aangeneem wat buitensporig was.<br />Hoekom kon Dawid vir Goliat troef?<br />1. Dawid het God raakgesien langs wie Goliat ‘n dwergie was.<br />Dawid was ’n man van God, wat lewe in die groot wêreld van God en kan daarom die klein wêreld van bere en leeus en Goliat hanteer. <br />Ons moet leer om God raak te sien – volgende kwartaal gaan ons die hele kwartaal ons verwonder aan wie God is!<br />Dit het ‘n impak op ons ervaring van die gemeente, van ons finansies, van ons bediening, van die toekoms; en op ons ervaring van die kerk in die breë; en wanneer ons koerant lees of TV kyk oor die toekoms van ons land en wêreld.<br />Maar Hoe doen ons dit?<br />2. Vrees word getroef deur naby God te lewe.<br />“Moed is net vrees wat begin bid het.” Anne Lamont <br />God moet so werklik vir jou raak soos jou skaduwee.<br />Jou ervarings in die gemeente en die gemeenskap moet met God deurgebid word. Jou daaglikse lewe moet bepaal word deur jou daaglikse ontmoetings met God en met ander wat saam met jou die Here kan dien.<br />Vrees word getroef deur naby God te lewe!<br />3. Vrees word getroef deur jou visie op God met ander te deel.<br /> “Hou jou vrese vir jouself, maar deel jou moed met ander.” Robert Louis Stevenson <br />Vir al die pa’s – dit kan ‘n ongelooflike fokus vir jou wees: deel jou visie op God met jou kinders. Laat dít die ding wees wat hulle van jou sal onthou – want dit is ‘n legacy wat ruggraat gee in die moeilikste van omstandighede.<br />Daarom konfronteer hierdie bekende Bybelstorie ons met hierdie vrae: <br /><ul><li>Gaan jy gevorm word deur jou vrese vir die Goliats van die lewe óf deur God?
  5. 5. Gaan jy op jou knieë leef, naby aan God, gefokus op God?
  6. 6. Gaan jy jou visie op God deel, en so moed eerder as vrees versprei in hierdie wêreld?</li></ul>Mag wie jy en ek is, bepaal word deur Wie ons in hierdie wêreld raaksien – God, want dis Sy plek dié én omdat ons Hom sien, gaan ons op ons knieë voor Hom en dit gee vir ons krag om daardie volgende tree in die rigting van Goliat te gee... <br />Gebed<br />Dankoffer<br />Aankondigings<br />Belydenisgroep kom HALF VYF (i.p.v. half 6) in KONSISTORIE (i.p.v. Women’s Club) bymekaar.    Ons gaan fliek “Luther” kyk.  Ander mense is welkom om by ons aan te sluit as hulle die fliek saam met ons wil kyk (maar moet hul eie springmielies en koeldrank bring).<br />Slotlied<br />Lied 286 – Here God van liefde, waar ons ook mag gaan – staan<br />Seën<br />Amen<br />Lied 189 – Halleluja – staan<br />Gemeentevergadering<br />Gemeente ete<br />

×