Normas do concurso do Día do Libro Infantil e Xuvenil Nós lemos, e ti? organizado pola OEPLI e a súa sección GÁLIX, Asociación Galega do Libro Infantil e Xuvenil, enviando unha selfie cun libro explicando o motivo da súa escolla.
1. “NÓS LEMOS, E TI?”
O 2 de abril conmemórase o Día do Libro Infantil e por este motivo a
Organización Española para o Libro Infantil e Xuvenil convoca un concurso de
selfies.
A Biblioteca Municipal Forum Metropolitano únese a esta iniciativa e queremos que
participes con nós nesta celebración.
Para participar debes traer unha selfie impresa ou nun soporte dixital
para que a poidamos imprimir nós antes do 18 de marzo. Cando a entregues, tes que
cubrir unha ficha de inscrición no mostrador da biblioteca.
Desde o 19 ao 30 de marzo, as fotografías estarán expostas para que
quen o desexe poida votar a que máis lle guste.
As 3 fotografías que leven o maior número de votos serán as
que se envíen ao concurso xeral.
¡Haberá unha sorpresiña para todos os que
participen e un agasallo para os tres gañadores!
AS BASES DA ORGANIZACIÓN XERAL:
1. Poden participar todos os lectores e lectoras que estean cursando Primaria ou
primeiro ciclo de Secundaria, a través do seu centro docente ou dende a
biblioteca.
2. Reunir membros da familia ou amigos que queiran participar.
3. Escoller un libro cada un e co móbil ou cunha cámara facerse unha selfie. É
imprescindible que se vexan os libros.
4. Deberá acompañar á selfie un breve texto explicando o motivo polo que o/a
participante escolleu ese libro. Tamén deberá constar o nome e apelidos do/a
participante, o domicilio, poboación, teléfono, ano de nacemento e nome do
centro docente ou biblioteca, do titor/a ou bibliotecario/a, domicilio, poboación,
teléfono e correo electrónico.
5. Non serán devoltos os orixinais aos seus respectivos autores e autoras unha
vez rematado o concurso. A OEPLI poderá empregar as selfies gañadoras en
diferentes soportes e usos relacionados co DÍA INTERNACIONAL DO LIBRO
INFANTIL E XUVENIL, sen que este feito dea dereito a retribución algunha
para os concursantes. Será imprescindible enviar a correspondente
autorización dos pais/titores para a súa reprodución e difusión na páxina web e
facebook da Organización.
6. A simple presentación de orixinais para o concurso supón a aceptación e
conformidade coas presentes bases.
2. Os premios:
Establécese un premio para cada unha das seguintes categorías e ámbito lingüístico:
◦ Primeiros lectores (1º, 2º e 3º de Primaria)
◦ Lectores avanzados (4º, 5º e 6º de Primaria)
◦ Superlectores (1º e 2º de Secundaria).
Cada un dos premios estará dotado cun diploma e lote de libros para os premiados e a
entidade (biblioteca ou centro docente) que presente os traballos.