1. TEMA 2: HARDWARE E SOFTWARE
1. HARDWARE
O hardware é o parte físico ou "dura" dos ordenadores. Hardware é todo aquilo que
podemos ver e tocar, é dicir: A carcasa do ordenador, a pantalla, o teclado, as
impresoras, o escáner, a placa base, o procesador, os cables, etc...
1.1. ARQUITECTURA DUN ORDENADOR
O hardware dun ordenador está constituída, basicamente, pola Unidade Central de
Proceso (CPU), que se encarga de procesar os datos; a memoria, que almacena a
información, e os periféricos de entrada/saída, que permiten o intercambio de datos ou
información co exterior, así como o seu almacenamento.
a. UNIDADE CENTRAL DE PROCESO
Dentro da unidade central hai varios compoñentes. O primeiro deles é a placa base, que
é onde está situado o microprocesador, as memorias e os circuítos que controlan os
periféricos.
- Unidade Central de Proceso (CPU) ou procesador: actualmente todos os
procesadores están construídos con circuítos integrados en chips. De aí que
reciban o nome de microprocesador (µp). Está composto por unha unidade de
control (UC) e outra de procesamento (ALU), máis un conxunto de rexistros.
- A Unidade de Control (UC) constitúe o verdadeiro cerebro do ordenador, pois é
a que controla e coordina aos restantes compoñentes do ordenador para a
execución das instrucións.

2. - A Unidade Aritmético-lóxica (ALU) é a encargada de realizar as operacións
aritméticas (suma, resta, multiplicación, división) e operacións lóxicas (maior,
menor, maior igual, menor igual, igual, distinto).
- Rexistros: son memorias pequenas e moi rápidas situadas no procesador.
b. MEMORIA
Outros compoñentes son as unidades de almacenamento masivo ou memoria auxiliar,
que permiten que a información que proporciona o ordenador poida ser almacenada de
modo que non se perda.
A Memoria Interna é o subsistema no que residen os programas en execución e os
datos. O acceso aos datos ou instrucións desta memoria é moi rápido, contén a maior
parte das instrucións e datos do programa que se está a executar. Como contrapartida,
o tamaño é moi limitado (cara e volátil).
Tipos de memoria interna:
- De lectura e escritura ou RAM (Random Access
Memory): é unha memoria de acceso aleatorio
porque o usuario e os seus programas poden
acceder a ela a calquera posición.
É unha memoria na que se pode ler e escribir información, é volátil e de rápido
acceso.
- De só lectura ou ROM (Read Only Memory): É unha memoria de só lectura.
Nela almacénanse os programas ou datos de grande interese
de forma permanente. Quizais o máis importante sexa o BIOS
(Basic Input Output System, Sistema básico de E/S) que
contén os programas básicos que controlan todas as entradas
e saídas de datos do computador. Non se pode escribir sobre
ela e non necesitan ningún tipo de enerxía para manter
gravada a información. Son memorias non volátiles. É máis
lenta que a RAM.
A Memoria Masiva, externa ou secundaria está formada por dispositivos que permiten
almacenar grande cantidade de información de forma permanente. Como contrapartida,
o tempo de acceso aos datos e programas adoita ser bastante máis elevado que aos
datos e programas situados en memoria principal.
A memoria masiva ou auxiliar ou externa trata de suplir os problemas que presenta a
memoria RAM (o seu relativa pouca capacidade e a información bórrase se se
interrompe a alimentación de enerxía eléctrica).
As unidades de almacenamento masivo son os dispositivos que permiten gardar a
información proporcionada por un ordenador para o seu uso posterior, de modo que
sempre sexa accesible para cando se desexe volver utilizala.
Dependendo da tecnoloxía que utilicen para gravar a información, os dispositivos
clasifícanse en:
- Magnéticos: a información grávase por polarización dun material magnético, por
exemplo: disco duro, disquete, discos zip e jazz, fitas magnéticas ou streamer,
handydrive.

3. - Ópticos: utilizan a tecnoloxía láser para gravar a información en
forma dixital, por exemplo: cd-rom, dvd.
- Baseados en memoria flash: manteñen os datos almacenados aínda
que se remate a batería, a vida dunha memoria flash non é indefinida,
entre 100.000 e 1.000.000 as veces que se poderá gravan información
nela, por exemplo: mp3, pen memory, pccard, tarxetas de memoria.
- Magneto-ópticos: combinan ambas as dúas tecnoloxías.
CUESTIONARIO
1. É a memoria ¿hardware ou software?
2. ¿Como se chama as unidades das que está composto o microprocesador?
3. ¿Que é a U.C.?
4. ¿Que é a ALU?
5. Diferenzas entre RAM e ROM
6. ¿Que tipos de tecnoloxía coñeces para almacenar a información?
7. Enuncia características dos disquetes