فکري پوهنه
بسم الله الرحمن الرحيم ګرانو وروڼو او خوندو ! اسلام عليکم ورحمة و برکاة په ننۍ حالت کې کوم چې زمونږ کړېدلی ولس ور سره مخامخ دی هغه زمونږ پر مظلوم ولس باندې د نړيوال کفري حشر يرغل دی کوم چې غواړي اسلام له مينځه يوسي ، ټولنه کې فساد او فحشاء رواج کړي ځوان نسل مو د ديني ،علمي ، اقتصادي ، کلتوري او اخلاقي پرمختګ پر ځای د ديني ، علمي ، اخلاقي او اقتصادي زوال سره مخ کړي . ددې کفري يرغل د اسلام ضد تبلغاتو او د کفارو د فکري جګړي پر وړاندي د فکري مقابلې غوره او بهترين کتاب (فکري پوهنه ) ده چې په دغه کتاب کې د کفري يرغل ټول تبليغاتي وسائل او فکري تبليغات په تفصيل بيان شوي دي . د ټولو مسلمانانو وروڼو او خوندو په خاص توګه له ځوانانو څخه او په خاصه توګه د پوهنتونو او مدارسو د استاذانو او ګرانو محصلينو څخه هيله کيږي چې دغه کتاب په غور ولولي او د کفري يرغل پر وړاندې ودريږي يا حد اقل خپل ځان د کفري عقائدو ، فساد او د اخلاقي زوال له سخت طوفان څخه وساتي . د پوهنتونو هغو استاذانو ته چې خپل دين او ولس ته وفادار وي وړانديز کوو چې د محصلينو د فکري اسلامي روزنې تر څنګ د هغوی علمي سويې ته ډير پام وکړي خپل لکچر نوټونه آپډيډ کړي او په نورو هيوادو کې چې د پوهنتونونو محصلين کومې پرمختللی تنالوژی ته لاس رسۍ لري خپل محصلين هم ور سوي . په څومره اندازه چې استاذ فعال ، پوه او با احساسه وي په همغه اندازه به د محصلينو علمي سويه لوړه وي او که استاذ غافله وي نو محصلين فطرتاً استراحت طلبه وي له خپل علمي دورې څخه په تيزی سره فراغت غواړي خو کله چې فارغ شي پر خپل غفلت او د استاذ په غفلت پوهيږي او سخت پښيمانه کيږي بيا هغه وخت د دعا پر ځای خپل استاذ ته ښيراوي کوي . له الله تعالی څخه ووېريږي د ولس په ځوان نسل زړه وسوځوئ او د هغوی پر وړاندې خپل مسئوليت ادا کړی . او هغه محصلين چې د استاذ احترام نه کوي خپل درسونه روزانه نه تکراروي ، کورنی کار نه اجرا کوي د لکچر تر څنګ نوره مطالعه نه کوي له خپل ځان له خپلو والدينو او کورنۍ او له خپل ولس سره خيانت کوي او ددې خيانت پايلې ډيرې خطرناکي دي . ټول له الله څخه ووېرېږي ځکه چې هغه ته مو ورتګ دی . خپلو ټولو ديني او دينيوي مسئوليتونو متوجه شي ، د وخت قدر وکړئ ځکه چې وخت په تېږی سره تيريږي . منبع http://nasirhashemi.blogfa.com/post/1094
