1. Jsōуі Маsе tawalud sitōw
1 Ik-duf mīϑen Rūm qaysar Awgust qonūn ziwûsč idi tamōmi sarzamini
Rūm imperiyā mardum rūyixat kin-an. 2 Id awalīn rūyxat čīg Sūriyā-ndi
Kivirin ukmrōnay dawrā-ndi vid. 3 At fukaϑ-an ar čāy tar xu x̆ār tāyd xu
rūyxat čīgōw. 4 Yesuf mis az J̌alīl, ar Nōsirā ar Yawudō, ar Dōwūd x̆ār
Bayt-Lem rawōn sut, in-dōnd aven idi yā az Dōwūd awlōd vid. 5 Yā
rūyxat čīgow xu ɣanīʒ Maryam qatay idi ik-day waxt du ōn vid, rawōn
̆
sut. 6 Ar Bayt-Lem-an wāδ vid atā Umā Um ziryōt avīgōw waxt firept, 7
at Umā sarfarzand puc az mōd sut; wux̆taki Way ču xu ar ōxurčayi Way
ribu; in-dōnd aven idi ar memōnxōnā uf-ri ōy piδō na sut. 8 Day mulkā tar
sārō čūpōnen vid. Wāδ-an x̆āb xu mōl-ti payrā vid. 9 Bigamōn-and-eδ uf
pirō Xudōwand Firix̆tā ōzir sut at Nūri Ilōyi uf tar kinōrā rux̆nāy ču. Dāδ
čūpōnen-an xax̆ x̆ō yat, 10 at Firix̆tā duf-ri luvd: «X̆ō mā δeraf! Az
tama-ri xušxabar luvum idi yā ta kuli mardum-ri xursandi sāwt; 11 Nur ar
Dōwūd x̆ār tama Xalōsgār Xudōwand Mase az mōd suč; 12 At yima
nix̆ōnā tama-ri: tama wux̆tak čū īn Kūdak ar ōxurčā darūn x̆ûv īn virayaf».
13 Banōkāf-aϑ Firix̆tā qatay-an yi qiyōmat Malikayen ōzir sat xu Xudōy
sitōwax̆ kinan at luvan: 14 «Xudōwand-ri ōsmōn bilanday-ti ōy at alōl,
zamīn-ti mardumen mōbayn idi Way mer bar uf ca ōsōyix̆i barqarōr
vawt!"» 15 Waxten di Firix̆tayen az duf xīz pa ōsmōn tāyd, čūpōnen tar
amdigar luvan: «Tem-at tar Bayt-Lem, ku časem, taram čīz ōdisā vī idi
Xudōwand māš-ri way xabar ca luv ». 16 X̆Itōvindā -aϑ-an wāδ yat,
Mayram-an Isuf qatay ata Kūdak-an ar oxurča darūn x̆ûv īn avūg. 17
Waxten di Kūdak wunt ar čīzi firix̆tā dar bōrayi Day duf-ri xabar ca δûd,
̆
naqlen ču. 18 Fukaϑ-an ar či čūpōnen naqli ca niɣux̆t, ayrōn-an sat. 19 At
2. Maryam fukaϑ ik-duf gāpen xu ba yōδ in ivd at xu zōrδandi fikri kix̆t. 20
At čūpōnen-an wužāvd, Xudōwand amd at sanō kinan idi ar čīzan ca x̆ud
at ar čīzan ca wunt, mālim sut idi fukaϑ niqaϑ in-das vi idi arang uf-ri
pirōkay luv īn ca vi .