Creación dun blogue en Blogaliza Administración e edición básicas

En Blogaliza , prememos en Crear blogue. En primeiro lugar, teremos que abrir unha conta de usuario.

Cubrimos os datos da conta

Cubrimos os datos básicos do blogue

Activamos o blogue desde o noso correo e accedemos ao contrasinal asignado (logo poderá modificarse). Copiámolo -ou collémolo logo do novo correo que recibiremos- e entramos en login para administrar.

Unha vez dentro da administración, o primeiro que podemos facer é cambiar a clave de acceso. Blogaliza asígnanos un contrasinal dificilmente memorizábel, polo que é mellor introducir un novo desde Usuarios > Perfil . Tamén podemos escoller un novo tema ou modelo visual para a aparencia do blogue. Iso farémolo en Deseño > Estilo visual . Cómpre ter en conta que non todos os estilos visuais son seguros, polo que se temos problemas cos elementos que engadamos na barra lateral, pode ser preciso cambiar o estilo. Para non perderse na gran variedade de temas, recomendamos algúns que funcionan ben: Esther (p. 15), Glorious Future (p. 18), Mandigo (p. 23), Minimal Sun (p. 24), Nearly-Sprung (p. 25), Regulus (p. 29), Water (p. 35), WordPress Classic (p. 36), etc .

Un bloque de funcións específico de Blogaliza constitúeno os Engadidos. Desde aí podemos activar complementos moi útiles: unha conta das visitas (Counterize), a subscrición aos arquivos de audio ou podcast que publiquemos (podPress), Anti-spam, etc.

En Configuración > AMP > MP3 marcaremos Enable MP3 download links para permitirlles ás visitas descargar os arquivos de audio; e gardamos os cambios, claro.

Desde Deseño tamén configuramos os complementos (widgets, como un calendario, o listado de ligazóns, etc.) que queremos presentar na barra lateral. Manéxanse sempre con ENGADIR > EDITAR > CAMBIAR > GARDAR CAMBIOS. É recomendábel engadir o widget Meta, pois permitiranos entrar na administración de xeito doado, só premendo en Identificación e empregando o nome de usuario e o contrasinal. Se non facemos isto, teremos que acceder desde a páxina de Blogaliza ou co url http://NOMEDONOSOBLOGUE.blogaliza.org/wp-admin/

Para publicar contidos, d esde Escribir , podemos crear fundamentalmente: 1. Anotacións ou artigos, que aparecerán en orde cronolóxica inversa. Deberán levar, cando menos, título e categoría asignada. Conforman o arquivo do blogue. 2. Páxinas . Espazos para contido complementario, sen artigos organizados temporalmente. A elas accederase logo a través da barra lateral e/ou a cabeceira. Poden organizarse por niveis, creando subpáxinas dependentes, desde Páxina nai .

Como introducir unha ligazón

O HTML do editor, opción clave para cando teñamos que inserir multimedia

Os contidos do blogue organizados e doadamente localizábeis: etiquetaxe e establecemento de categorías

3. Desde Escribir, tamén podemos crear Links . Con posibilidade de organización en categorías e de acompañamento de imaxe.

Calquera cambio que desexemos introducir nestes elementos, unha vez gardada a información, farémolo desde Xestionar .