1. DECÁLOGO PARA
EMPEZAR A FALAR
GALEGO
(en máis de 40 días)
IES GONZALO TORRENTE BALLESTER
PONTEVEDRA
2. • 1.- Lea en voz alta, sen medo aos atrancos. Os ingleses, alemáns,
franceses e cataláns tamén se trabucan cando len.
• 2.- Asuma, con todas as consecuencias, o papel de personaxe
teatral que está aprendendo un guión.
• 3.- Esqueza as frases de desánimo e os “que dirán” ou os “que
pensarán”.
• 4.- Ríase dos propios erros antes de que se rían os demais. Pero
non se frustre, porque non hai para tanto.
• 5.- Axudese de libros e dicionarios, pero lembre que “non todo está
nos libros”, pois hai moita xente que nunca leu un libro en galego e
fálao perfectamente.
3. • 6.- Rexeite as desculpas do tipo “non estou preparado”, “agora xa é
tarde” ou “a ver se os meus fillos o conseguen”.
• 7.- Pense que o galego é unha lingua como outra calquera, nin
mellor nin peor.
• 8.- Sorpréndase a si mesmo preguntando a alguén a hora en galego
con toda naturalidade.
• 9.- Considere que para falar galego non hai que ter carné de
independentista nin estar afiliado a ningún sindicato nin é necesario
ir vivir a unha aldea. O galego non é un invento para levar a
contraria.
• 10.- Non pretenda que os cambios sexan inmediatos; o de falar
galego en menos de 40 días non é verdade, nin sequera os nenos
pequenos o logran. Pero hai que empezar. Nunca é tarde.
4. CAMPAÑA DE PROMOCIÓN DO USO DO
GALEGO
• Aquí tamén a/o entendemos en galego
• Se me preguntas, contéstoche.
• Se sabes ler e escribir en galego, por que non o falas xa?
• Se me falas, fáloche. E se eu che falo, fálasme ti tamén?
• Falade, rapaces, falade galego.
• Falar galego non ten nada de especial; só é unha lingua, non un
artefacto explosivo.