1. Na natureza distinguimos entre seres vivos,
como as árbores e os mamíferos e seres
inertes, como as rochas e o aire.
Os seres vivos diciamos que nacían,
medraban, reproducíanse e morrían.
Os animais e as plantas son seres vivos.
As plantas fabrican o seu alimento, a partir
da auga, as substancias do solo, a luz do
sol e o aire.
Os animais teñen que alimentarse a partir
doutro ser vivo.
2. A partir de agora diremos que os seres
vivos son os que realizan as tres funcións
vitais: nutrición, relación e reprodución.
Os seres inertes non realizan as funcións
vitais.
3. A función de nutrición consiste en tomar
alimentos para obter:
Enerxía para correr, xogar, estudar...
Materiais para medrar e estar sans.
A nutrición ten dúas partes: unha parte que
se ve a alimentación ( o feito de tomar
alimentos) e outra parte que non se ve
porque ocorre dentro do corpo, nas células.
Esta é verdeira nutrición, é dicir a obtención
de enerxía e materiais para o corpo.
4. A forma de nutrirse os animais e as plantas
é diferente. As plantas son capaces de
fabricar o seu alimento (autótrofas),
mentres que os animais deben tomalo
doutro ser vivo (heterótrofos).
As plantas fabrican os seus alimentos
utilizando a auga, os sales minerais, o
dióxido de carbono e a luz solar.
Os animais clasifícanse en: herbívoros
(comen herba), carnívoros (comen carne) e
omnívoros (comen de todo, carne e herbas)
5. As plantas fabrican o seu alimento. Os
animais teñen que tomar os alimentos a
partir doutro ser vivo.
6. A función de relación consiste en captar
información do exterior e actuar como sexa
conveniente.
A función de relación é diferente nos animais e
nas plantas.
Os animais para realizar a función de relación
utilizan os sentidos, o sistema nervioso (nervios
e cerebro) e os músculos.
As plantas non poden desprazarse, non teñen
órganos dos sentidos, nin nervios pero tamén
se relacionan. Ver exemplos no libro páx. 41.
7. A función de reprodución consiste en que os
seres vivos teñan descendentes (fillos/as)
parecidos a eles.
Nos animais existen dous sexos: masculino e feminino.
Para reproducirse os machos e as femias teñen que
unirse. A esta unión chámaselle apareamento. A este
tipo de reprodución chámaselle reprodución sexual
porque interveñen animais dos dous sexos (masculino e
feminino). Tras o apareamento, comézanse a formar as
crías. Se as crías se forman no interior do corpo
da nai (vivíparos) e se se forman dentro de ovos
(ovíparos).
9. As plantas poden reproducirse de dúas
maneiras:
► Reprodución sexual : prodúcese grazas
as flores, que teñen unha parte masculina (os
estambres) e outra feminina (o pistilo). A partir
das flores fórmanse as sementes. Das sementes
nacen as novas plantas.
► Reprodución asexual : a partir dunha
parte da planta (escallo, anaco de talo) fórmase
outra nova planta. Algúns animais inferiores
tamén teñen reprodución asexual (estrelas de