1. Planificación Proxecto Dragal 3º Trimestre 2014-2015
EDLG. CPI Virxe da Cela, Monfero
DEPARTAMENTOS IMPLICADOS:
- Lingua Galega (Alfonso Salgado)
- Relixión (Yolanda Castro)
- Música (Verónica Dopico)
- Debuxo (Marta Novo)
- Ciencias Sociais (Teresa Losada)
- Ciencias Naturais (Mª José Fandiño)
- Biblioteca (Carmen Espiñeira)
ALUMNADO PARTICIPANTE: 1º ESO (13 alumnos/as) e 2º ESO (18 alumnos/as)
ACTIVIDADES DESENVOLVIDAS DURANTE O 1º E 2º TRIMESTRES:
 Lectura do libro Dragal I. A herdanza do dragón de Elena Gallego (Departamento Lingua Galega).
 Ambientación Dragal (Departamento Plástica + Biblioteca)
 Gravación vídeos presentación Dragal no CPI Virxe da Cela
 presentación do libro por parte da autora Elena Gallego, xoves 22 de xaneiro,
ACTIVIDADES PROGRAMADAS PARA O 3º TRIMESTRE:
-Contacontos: xoves 16 de abril, en horario de tarde (14:45 a 16:25). - Lendas tradicionais, “A ponte do
porco”.
-Utilización da Wiki dragal (responsables Verónica e Alfonso).
-Reparto dos selos e das tarxetas da Fraternidade do Dragón. Os profesores/departamentos implicados
establecerán unha actividade para realizar polo alumnado. Cada alumno/a que leve a cabo esta tarefa
poderá cuñar un espazo da súa tarxeta da Fraternidade do Dragón. A final de curso revisaranse as
tarxetas e haberá premios/diplomas para os que acaden máis selos.
-Final á carta e Dicionario Dragal: O/a alumno/a converterase en escritor/a e reparará no final da novela
para escribir outro diferente. Deixará voar a súa imaxinación e continuará o relato unhas 10 liñas (Dep.
Lingua Galega).
-Comic Dragal: (O/a alumno/a converterase nun verdadeiro/a mestre/mestra de artes e verterá en cómic
os momentos máis importantes da historia de Dragal. Viñeta CPI virxe da Cela: Brais en bici empurra á
Hadrián e cae ao chan. No bus os seareiros de Brais empurran a Hadrián contra a ventá (Proxecto
Interdisciplinar+Dep. Plástica).

2. Planificación Proxecto Dragal 3º Trimestre 2014-2015
EDLG. CPI Virxe da Cela, Monfero
-A Galicia Máxica, patrimonio material e inmaterial: Os espazos clave da historia son a Igrexa
Románica e a Poza da Moura. Buscaremos, en primeiro lugar, restos de construcións relixiosas na
contorna do centro e no lugar onde viven os alumnos. Tiraremos fotos que compartiremos cos demais
membros da fraternidade. Preto de onde vive o/a alumno/a seguramente hai algunha igrexa románica que
se pode incluír como punto destacado. Coa axuda do/a profesor/a de Historia deben examinarse os
elementos desta construción. A partir do achádego da Poza da Moura, e con este punto como referencia,
o/a alumno/a pasará a investigar e converterase nun detective de lendas. O proceso de busca de lendas.
(Dep. CCSS, Relixión, Música).
1. Seleccionarán informantes (persoas maiores) da zona que lles poidan contar historias de
dragóns, serpes, mouros e mouras, covas ou pozas encantadas.
2. Gravarán o que di o informante coa axuda dunha cámara ou dun móbil (son ou vídeo).
3. Subirán o material ao wiki.
4. Todos os centros poderán compartir o fondo lendario recollido.
-O Google Maps. Os dragaliños crearán un mapa en Google que recolla todos os lugares máxicos de
Galicia que descubriron, coas súas lendas, así como as igrexas románicas que chegaron a coñecer. Iremos
subindo todos os arquivos de audio, vídeo ou fotos que teñan e situándoos no punto concreto do mapa
para organizar visualmente o lugar de recollida do material. Deste xeito, os visitantes do wiki poderán
percorrer a ruta máxica das lendas e o románico que lles acabamos de descubrir e que estamos axudando
a protexer.
-Comparte Dragal. Os participantes (profesores e alumnos) montarán unha exposición en cada centro
onde mostren o traballo feito. Poderán compartir daquela as fotos, as lendas, os debuxos ou os cómics co
resto da comunidade educativa (e logo cos compañeiros dos outros centros).
-Viaxe ao Fogar do Dragón: xogo de rol e xornada lúdico festiva no Pico Sacro, Boqueixón (todos os
centros participantes). Xoves 28 maio, todo o día. 2 profesores acompañantes.