Manifesto%20 conxunto%20mobilizacions%20cc.oo.%20 %20ugt%20sector%20grandes%20almacens[1]

A democracia quedou ás portas A patronal de grandes superficies pecha o paso á liberdade sindical Hai máis de trinta anos, os traballadores e traballadoras españois demos o primeiro paso para recuperarmos o dereito e o exercicio da democracia no seo das empresas coa aprobación no Parlamento do Estatuto dos Traballadores. Posteriormente, a Lei orgánica de liberdade sindical facilitou a organización dos traballadores e a presenza sindical democrática nos centros de traballo. Hoxe, en pleno século XXI, aínda existen lugares de traballo aos que non chegou a normalidade democrática. Tal é o caso das empresas agrupadas na patronal ANGED, empresas tan presentes na nosa sociedade como El Corte Inglés, Carrefour, Alcampo, Makro, Leroy Merlin, FNAC, Media Markt, Ikea, Aki, Conforama, Hipercor, Eroski, Toys&rus, CyA. Empresas que crearon e promoveron os seus propios «sindicatos» á medida. Organizacións pseudosindicais que consenten nada menos que un convenio que rebaixa descaradamente as condicións dos traballadores e traballadoras: desregula a súa xornada ata facer imposible a conciliación da vida familiar e persoal coa laboral; diminúe a cobertura en caso de enfermidade; elimina os compromisos de garantía de emprego fixo, estable e con dereitos, que si recollía o anterior convenio; impón a mobilidade total na empresa, e instaura unha política salarial que pon en serio risco o mantemento do poder adquisitivo. Todo isto nun sector con grandes dificultades para compaxinar a vida laboral e persoal, cunha desprofesionalización crecente, con salarios que non acadan os mil euros, sen garantías certas de descanso semanal, cunha alta porcentaxe de contratos a tempo parcial non desexado –nalgunhas empresas preto do 90%–. En definitiva, un sector con encanto para os ollos da opinión pública, pero con máis de 300.000 traballadores e traballadoras en situación precaria e cunhas condicións sociolaborais por baixo da media nacional. CCOO e UGT levamos desenvolvendo dende o 4 de agosto de 2009 –nefasta data na que os sindicatos corporativos FASGA e FETICO asinaron o actual convenio– unha serie de accións, tanto xurídicas como sindicais, encamiñadas a denunciar tan anacrónica e vergoñenta inxustiza (agravada ata o límite polo novo tento de ANGED e os seus asociados, que aproveitaron interesadamente a crise para degradar máis, se cabe, as condicións laborais dos seus traballadores). Accións como denuncias e impugnacións do convenio ou mobilizacións nas empresas que, máis alá do pronunciamento ao noso favor

dos tribunais, deixaron patente que a inmensa maioría do sector non quere este convenio, abomina os que o asinaron e esixe responsabilidade a unha patronal que destaca pola súa teimosía e avaricia infinitas. Unha patronal que foi condenada polo Tribunal Supremo en cinco ocasións por escamotear o dereito ao descanso semanal do seu persoal; unha patronal cuxas empresas foron condenadas por atentar contra a liberdade sindical; unha patronal que representa a compañías que discriminan en función da afiliación sindical; unha patronal, en conclusión, que está moi lonxe de coñecer e respectar os dereitos democráticos dos traballadores e traballadoras. Falamos de empresas que tiveron e teñen cuantiosos beneficios –cuxa repartición só se reflicte nas contas dos seus consellos de administración– e que aínda así seguen a pretender que as minguas provocadas pola crise recaian exclusivamente sobre os traballadores e traballadoras. Acaso o balance de perdas destes non está saldado abondo coa destrución de preto de 80.000 postos de traballo e a substitución de emprego fixo a xornada completa por emprego precario a tempo parcial? Recorrer á crise para socializar as supostas perdas –«que as paguen os traballadores mentres nós gozamos das ganancias»– e recortar de paso as condicións laborais dos teus empregados é un exercicio irreverente e insoportable de cobiza, cinismo e ruindade. Por todo isto, UGT e CCOO facemos un chamamento aos traballadores e traballadoras de grandes superficies e mais ao conxunto da sociedade para que fagan oír a súa voz nas concentracións que celebraremos diante das sedes de ANGED en cada comunidade autónoma os días 12 de maio, 9 de xuño, 7 de xullo e 9 de setembro. Tamén vos solicitamos a vosa activa participación na concentración xeral que, como peche de campaña, faremos en Madrid o vindeiro 6 de outubro. Por último, animámosvos a que prestedes o voso apoio aos sindicatos democráticos nas eleccións sindicais de finais de ano e que rexeitedes consciente, categórica e libremente as candidaturas dos pseudosindicatos sustentados e promovidos polas empresas. Apoiar a UGT e CCOO é a mellor maneira de defender os teus dereitos e condicións de traballo.

Manifesto%20 conxunto%20mobilizacions%20cc.oo.%20 %20ugt%20sector%20grandes%20almacens[1]

by oscargaliza on May 05, 2010

Accessibility

Categories

Upload Details

Usage Rights

2 Embeds 5

Statistics

Manifesto%20 conxunto%20mobilizacions%20cc.oo.%20 %20ugt%20sector%20grandes%20almacens[1] — Document Transcript

http://ccoocarrefourgalicia.blogspot.com	4
http://fecohtgalicia.blogspot.com	1