1. 1. SARRERA
Esku artean daukazuen dokumentu hau Ikastetxearen Urteko Plana da
(IUP), gure ikastolak ikasturte honetarako dituen helburuak zehazten
dituena. Jakina, gure ikastolaren premiei ahalik eta modurik hoberenean
erantzuteko asmoz definitu ditugu helburu orokor horiek (hurrengo
atalean zerrendatu ditugu): batetik, ikastolak dituen indarguneak irmotu
nahi izan ditugu; eta, bestetik, detektatu ditugun ahulguneak zuzendu eta
bideratu. Nabarmendu behar da lehenengo helburua adostu egin dugula
Ibernalo Ikastolak eta IES Kanpezu BHIk, ikastetxe biek bat-egiteaz hitz
egiteko izandako bileretan.
Prozedura hau erabili dugu urteko plana egiteko:
Lehenbizi, ikastolako ordezkariok (zuzendaria, ikasketaburua eta
aholkularia) institutuko ordezkariekin, berritzeguneko
aholkulariarekin eta ikuskariarekin bildu gara, modu bateratuan lan
egiteko.
Ondoren, ikastola osatzen duten sektore guztiei (gurasoak, langile
ez-irakasleak, irakasleak eta ikasleak) fitxa bana banatu diegu, hiru
galderarekin. Hala, haien iritziak jaso ditugu, jakin dugu zer espero
duten eta zer premia dituzten, eta, aldi berean, parte hartzeko
eskatu diegu. Kuadrillako langileei ere helarazi diegu fitxa.
Parte hartu nahi izan duten guztion erantzunak irakurri eta aztertu
ondoren, helburu behinenak aukeratu, eta ikasturte honetarako
planaren lehen zirriborroa idatzi dugu.
Klaustroan eztabaidatu dugu lan-testu hori, eta, zehaztapen batzuk
jaso ondoren, behin betiko erredakzioa onartu dugu.
Ondoren, berriro bildu gara institutuko ordezkariekin,
berritzeguneko aholkulariarekin eta ikuskariarekin, dokumentua
haiekin partekatzeko.
Bukatzeko: azaroaren amaiera aldera egingo duen bileran, Organo
Gorenari aurkeztuko diogu urteko plana, onartu dezan.
2. Aurreko ikasturtean bezala, saiatu gara IUP laburra, argia, zehatza, irekia
eta ikastetxearen beste planekin (hobekuntza plana, hezkuntza proiektua,
AJA...) koherentea egiten.
Amaitzeko, nabarmendu nahi dugu gurasoen partaidetza aurreko
ikasturtekoa baino emankorragoa izan dela aurten, eta jasotako zenbait
ekarpen, nahiz eta urteko plana egiteko erabili ez izan, oso interesgarriak
izan zaizkigula gurasoen nahiak, kezkak eta iradokizunak ezagutzeko.