1. MEMORIA
Egilea: Amaia Montes Guinea (NA: 342618 D)
Proiektua zer lanposturi
buruzkoa den:
HAUR-HEZKUNTZA - 2 HE
Axular HI (Obaba)
1. Sarrera
Memoria hau egiteko, Axular HI ikastetxearen ezaugarri bereziak, antzeko
ezaugarriak dituzten eskoletako (Kargaleku eta Agirretxe) esperientziak eta
neure formazioa eta lan-esperientzia izan ditut abiapuntu.
2. Eskolaren deskripzio laburra
Eskola txikia da: 329 ume ditu.
Haietatik asko etorkinak dira, edo etorkinen seme-alabak. Ikasle asko data
ez-arruntetan hasten direnez (ikasturteko edozein egunetan etortzen dira
ikasle berriak), harrera-plan bat diseinatu zen haientzat.
Maila ekonomikoari eta kultura-jatorriari erreparatuta ere, askotarikoak dira
ikasleak. Egoera horri etekina ateratzeko, ekimen ugari egiten dira; adibidez:
kartelak hainbat hizkuntzatan idaztea, munduko mapan bakoitzaren sorterria
markatzea…
Haur Hezkuntzan, lantaldea askotan batzen da formazioa jasotzeko edo
hainbat proiektu aurrera eramateko (adibidez: logika-matematika lantzeko
proiektua). Bi proiektu garrantzitsu jarri ditugu abian:
Psikomotrizitatea: Leku berri bat prestatu genuen psikomotrizitatea beren-
beregi lantzeko.
2. Elkarbizitza: eskolako elkarbizitza-planak garrantzi handia duelarik, Haur
Hezkuntzakoek berezko proiektua dute (Teles eta Niko, eta programazioa),
maisu-maistra guztien artean aztertzen eta ebaluatzen dena.
3. Helburuak
Euskara irakas-hizkuntza gisa erabiltzea bai D ereduan, bai A ereduan, eta
curriculumeko beste hizkuntzak ere bai, zein bere neurrian.
Eskolako ikasleen kultura guztiak ezagutzea eta onartzea.
Familiek parte hartze aktiboa izatea eskolako bizitzan.
Ikas- eta irakas-prozesuei buruz hausnartzea, eta gure praktika ebaluatzea.
4. Nire proposamenak
Euskara irakas-hizkuntza gisa bi ereduetan erabiltzeko, A ereduko gela
guztietan ere psikomotrizitate-saioak euskaraz ematea. Azken
ikasturteetan psikomotrizitate-irakasleak 2. HEdunak izan direnez, aukera
paregabea da euskararen erabilera bultzatzeko, nire ustez. Ahal izanez gero,
nik neuk emango nituzke; bestela, laguntza emango nieke beste irakasleei.
Horretaz gain, hizkuntzen trataera bateratua aztertzea eta haren gaineko
plangintza bat diseinatzea.
Kulturartekotasuna bultzatzeko, batzorde bat osatzea, harrera plana
aztertzeko –eta, behar izanez gero, beharrizan berrietara egokituta
aldatzeko– eta datorren puntuan jasotzen dena koordinatzeko.
Familien eta umeen ekarpenei etekin handiagoa ateratzea, jarduera
bereziak antolatuta: bidaietako postal edo eskutitzekin erakusketak egitea;
3. hainbat jatorritako janariak prestatzea; mundu osoko ipuinak, abestiak eta
beste erabiltzea… “Herri oso bat behar da haur bat hezteko”: afrikar esaera
zahar horrekin, gure lana ondo betetzeko familien eta bestelako gizarte
eragileen laguntza behar dugula adierazten dugu.
IKTak erabiliz informazio egokia bilatzen eta jasotzen irakastea.
Familiek eskolan parte aktiboa hartzea bultzatzea: gurasoei-eta beren
lanbideen gaineko informazioa eskatuta, irakasleak eta familiak elkarrekin
egoteko jarduera bereziak antolatuta (hitzaldiak, tertuliak…), haientzako
formazio-saioak prestatuta, festak elkarrekin antolatuta, eskolako kontuei
buruzko eztabaidetan beren ekarpena egin dezatela eskatuta...
4 eta 5 urteko umeentzako Entzuteko eta hitz egiteko txokoa prestatzea
(“belarria eta ahoa”), Haur Hezkuntzako elkarbizitzaren proiektuaren barruan:
txoko horretan, “erasotzailea” eta “biktima” batuko lirateke arazoei buruz hitz
egiteko eta gatazkak konpontzeko.
IKTak gelan zelan erabiltzen ditugun hausnartzea.
5. Bibliografia
ZENBAITEN ARTEAN: Didáctica de la segunda lengua en educación infantil y
primaria, Síntesis, Madril, 2000.
ACOUTURIER, Bernard: Los fantasmas de acción y la práctica psicomotriz,
Graó, Bartzelona, 2005.
ZENBAITEN ARTEAN: Gaur, Psiko! - Bazen behin batean eskolako
psikomotrizitate saio bat, Octaedro,Bartzelona, 2013.
www.carmendiez.com