Igor Calzada
University of Nevada (USA)
http://www.igorcalzada.com
23 Ekainak 2009. 9:15am. (Donostia)
Erabilera Gune Berriak Sarean
Egungo euskararen egoera soziolinguistikoari erreparatuz, eta azken 20 urteotako
bilakaeratik abiatuta, lehenik eta behin aipatu behar da, euskararen
normalkuntzaren prozesuan eragile zuzen izan diren gizarte zibileko (ikastolen
mugimenduak, bereziki), gizarte mugimenduetako eta erakunde publikoaren rola.
Hauek gabe, izandako bilakaera ezinezkoa litzateke irudikatzea egun.
Beraz, ponentziaren abiapuntuak haintzakotzat hartuko du egoera konkretu hori.
eta hari horretatik tiraka, Euskararen etorkizuneko erronkak, murgilduta dagoen
gizarte aldaketen baitan, hizpide izango dira, galderak sortuz eta eztabaida
sortzailea eraginez:
1.- Euskara 2.0 proposatuko da, kontzeptu bezala. Alegia, euskara 2.0
paradigmaren atezuan kokatu eta bere lekua gizarte lokal eta globalean
birpentsatzea. Beti ere, teknologia 2.0 eta gizarte sareen iraultza teknologiko eta
sozial moduan ulertua. 4 indar-ideia azalduko dira aurrekoa aurkezte aldera: (1)
Gunea, (2) Hizkuntza, (3) Hizkuntza-Komunitateak eta (4) Gizarte-egituraketan
aldaketa estrukturalak.
2.- Egungo, errealitate fisikoa laburbilduko dugu, diagnostiko birtual batekin
parekatuz aurrekoa.
3.- Euskarak Sarean izan dezaken lekua arakatzen joatea litzateke helburua.
Testuinguru glokalean hizkuntza gutxiengotuak betetzen duten lekua ikusiz.
Egungo euskararen presentzia sarean aztertuz. Azken batean, proposatuko dena,
sarean erabile gune berriak irekitzeko beharra eta aukerak dira, beti ere errealismo
eta kudeaketa eraginkortasun irizpide batzuk erabiliz. Gizarte sareen ulermena eta
kudeaketa nola izan daitekeen proposatu. Remix edo rekonbinaketaren kultura
(Lessig) eta sorkuntza azpimarratuko du hizlariak.
4.- 3 erronka ildo nagusi aipatuko dira: (1) Internet, Teknologia 2.0 eta Gizarte
Sareak, (2) Inmigrazioa eta (3) Gizarte Berrikuntza.
5.- Kezkak eta galderak ere plazaratuko dira.
Azkenik, laburbilduz, hitzaldiak, euskararen erabilerarako gune berriak,
EDOnon/zertarako/zeinekin (batera), guztion artean, sortzeke daudela, azaltzea du
helburu.
2009 Ekainak.
Belfast+Dublin (Ireland)