S Np Udako Ikastaroa 2010 Euskara 2 0

Euskal Herriko Unibertsitatea: Udako ikastaroa. Euskara 2.0: Euskararen erabilera sustatzeko estrategiak, Europar Batasuneko hizkuntza gutxiengotuen praktika berritzaile eta teknologikoak ezagutu eta aplikatuz. (Zuzendaria: Igor Calzada) Gizakion arteko harreman ohiturak eta moduak asko aldatu eta aldatzen ari dira azken urteotan. Aurrez aurreko harremana nagusi izaten jarraitzen badu ere, harreman birtualen presentzia handiagoa da egunetik egunera. Harreman birtualek jokabide-arau propioak dituzte, sarritan aurrez aurrekoetan ematen direnekin zerikusirik ez dutenak. Hori dela era, hizkuntzek oro har eta bereziki eremu urriko hizkuntzek joko-arau horiek ezagutu eta bereganatu beharko dituzte. 2.0 kontzeptuaren azpian dauden bi elementu gizarte-sareak eta teknologia berriak dira. Baina ez hori bakarrik. Euskara, hizkuntza gutxiengotu gisa, egungo gizarte sarearen zirrikituak, aukera bihurtu behar ditu. Horretarako, Udako Ikastaro hau, Europar Batasuneko hizkuntza gutxiengotuen behatoki moduan planteatzen da. 1· Ikerketa alorrean dauden proposamenak ezagutzeko (gizarte sareen munduan, etorkinen fenomenoan eta eleaniztasunaren alorrean) 2· Garapenaren alorrean, edota teknologia proposamenak ezagutzeko (hizkuntza teknologia eta erabilera sustatzen duten proiektuak ezagutuz). 3· Esparru sozioekonomikoetan, enpresek nola aplikatzen duten errentagarritasunez eta gizarte ardura bermatuz, hizkuntza gutxiengotu bat balio erantsi gisa, heuren enpresa politika eta egunerokotasunaren barruan.

Ikastaroaren egitura I+G+b edo gaztelerazko I+D+i (Ikerketa + Garapena + berrikuntza soziala eta teknologikoa) printzipioan oinarrituko da. Ikastaroaren iraupena hiru egunekoa izango da: 1. eguna: ikerketa Gizarte-sareek eta teknologia berriek euskararen erabilera sustatzeko eskaintzen duten aukerak jorratuko dira. Aldi berean, euskararen mundutik urrun dauden giza taldeak, etorkinak esaterako, erakartzeko gaitasuna aztertuko da. 2. eguna: garapena Hizkuntzaren erabilera sustatzeko garatutako teknologia berrien praktika onak. Bigarren egun honetan tailerra izango da, praktika on horiek zehatz-mehatz ezagutzeko. 3. eguna: berrikuntza Gizarte-sareek eta teknologia berriek lan-munduan euskara sustatzeko duten eta izan dezaketen aplikazioaren adibideak. Ikastaroak web orri bat izango du (www.euskara2puntu0.com) Bertan, ikastaroaren aldi bereko jarraipena egin ahal izango da eta modu birtualean parte hartu ere bai. Ikastaroak dibulgatiboa izan nahi du. Ez dago adituentzat bakarrik pentsatuta. Ikastaroak 2.0 mundua hobeto ezagutzen eta eremu urriko hizkuntzen erabilera hedatzen lagundu nahi du. Horretarako, praktikotasuna lehenetsiko da. Ponentzietaz gain, lehenengo hiru egunetako goizetan, arratsaldeko saioa, euskararen komunitate internautaren lantegi moduan proposatzen da. 2010eko Otsailak.

S Np Udako Ikastaroa 2010 Euskara 2 0

by icalzada on Mar 21, 2010

Accessibility

Categories

Tags

Upload Details

Usage Rights

1 Embed 7

Statistics

S Np Udako Ikastaroa 2010 Euskara 2 0 — Document Transcript