9.astean iraugi eskolan izandako goraberak.

1. 9.ASTEA. URTARRILAK 25/29
Aste hau gogor hasi nuela esan daiteke, izan ere
astelehenean lehenengo ordua 6. mailako laguntza gelan
hasi nuen, bertan bikoteka irakurtzen aritu gara, testua n
ahiko zaila zen haur hauentzako eta gainera gazteleraz
zen. Hitz berri asko zeuden ikasle hauentzat, gainera
kontutan hartuta Azpeitia herri zeharo euskalduna dela,
are zailagoa izan zela iruditu zait. Testua Titin III. a
pilotariaren inguruan zen. Bikoteka irakurri ostean,
laguntza gelan guztion artean irakurri zuten ozenki eta
irakaslea eta ni galderak egiten joan ginen haurren
ulergarritasuna bermatzeko asmoz. Hau irakurtzea
amaitzean gelan eman dizkieten galderen inguruan hitz
egiten jardun gara, haurrek galderak egiten zituzten
zailtasunak zituzten heinean eta gura lana laguntza
ematea izan zen. Azkenean ordubeteko lana izan behar
zena ia bi ordura luzatu behar izan genuen, izan ere esan
bezala testu nahiko landua eta irakurle gaztetxoentzat
nahiko zaila zela iruditu zait.
Honen ostean, matematika lantzen jardun dut
dominikarra den 4. amilako ikasle batekin. Ostegunean
kontrola du eta oraindik ez ditu Km/dam/hm/m/dm/cm/mm
unitatean ongi menderatzen. Nahiko estu nabil neu izan
ere asko gustatuko litzaidake ikasle honek matematika
gainditzea. Berarekin ez da denbora asko hasi nintzela
lanean, baina nirekin nahiko konfiantza hartu duela uste
dut eta lanerako gogoa erakusten den arren hizkuntza
arazoak direla eta bere ikaskuntza asko moteltzen da.
beraz berarekin nabil buru belarri ahalik eta gauza gehien
gainditu ditzan.
Arratsaldean, bi ordu 6.mailako ikasle
Pakistandarrarekin aritu nintzen matematika egiten.
Dagoeneko hartu du zatiketak egiteko mekanika eta
dirudienez ondo du barneratua zatiketaren kontzeptua.
Beraz hemendik aurrera zatiketa gero eta zailagoak eta
gero eta zenbaki handiagoekin egiten jardungo gara.

2. Astearte ia osoan zehar 5.mailan sartuta egon
nintzen bertako bi haurrekin. Matematika eta Gizarte
zientziak lantzen jarduten gara batez ere. Bietako batek
nirekin oso jarrera ona du bestearen jarrera alperrago
den harren bera ere lanean jarduten da. ala ere neurekin
Dominikarra dena konpontzen da hoberen. Izan ere, ni
gelan sartzen naizenean buru-belarri jarduten da lanean.
Modu honetan neu ere oso eroso sentitzen naiz berarekin,
honen ondorioz bi mutiko hauek asko hobetu direla
iruditzen zait lehenengo astetik honetara.
Hauek ere ostegunean kontrola dute gizarteko eta
or gabiltza lanean Munduko bola zer den, Paraleloak eta
meridianoak ikasten, mapak zertarako diren ikasten …
honetarako neuk prestatu dizkiet zenbait apunte beraien
ulergarritasunera egokituta, izan ere biek hizkuntzarekin
dituzte zailtasun handienak. Beraz apunte guztiak ahalik
eta sinpleen eta argien jartzen saiatzen naiz beraien
ikaskuntza errazago izan dadin.
Asteazkenari dagokionez, lehenengo ordua
6.mailako pakistandarra den ikaslearekin jardun naiz
buru-belarri matematika lantzen. Esan bezala zatiketak
ikasten ari da, eta dagoeneko hartua du mekanika. Beraz,
ordu osoan jolas modula lan eginez zatiketak egiten
jardun dugu, zenek azkarrago egin, zenek gehiago egin
denbora berdinean … Gainontzeko egun ia osoa 4.mailan
sartu naiz Dominikarra den neskatoari laguntza ematen,
asko lotsatzen da nirekin baina poliki-poliki harreman bat
sortzen ari gara, baina bere etxeko arazoak direla eta nola
hala eskolan giro arinagoa eta hobea sortu naian jarduten
naiz berarekin lanean. Momentuz digestio aparatua eta
arnas aparatuak ikasten ari gara eta matematikan
buruketa sinple batzuk eta biderketa taulak errepasatuz
zatiketa sinpleak lantzen ari gara.

3. Ostegunean egiaren ordua iritsi zen, haurrek
kontrolak egin behar zituzten, 5.mailakoek gizarteko
kontrola eta 6.mailakoek matematika eta gizarteko
kontrola. Beraz azterketa aurretik izan ditugun ordutan
kontrolerako errepasatzen jardun ginen. 5. mailakoek esan
zutenez beraien ustez nahiko ondo egin zuten eta orain
bakoitzaren tutoreak egindako ebaluaketa ikustea besterik
ez da falta. 6.mailakoek gizarteko kontrola nahiko ondo
egin dutela esan dute bakoitzaren tutoreek, esan beharra
dago betiere beraien minimoetan sartzen diren
egokitutako kontrolak egin dituztela. Matematikako
kontrolean bertan egoteko aukera eman didate eta orduan
nire ikasleak direnei laguntza emateko. galderaren bat
zutenean nola ala lagundu eta oker zituzten galderak
errepasatzeko esan diet. Beraz azterketan laguntza txiki
bat ere izan dutela esan daiteke.
Azkenik Ostirala nahiko lasaia izan da. Goiza
ordezkaketa bat egiten egon naiz 3.mailan eta nahiko ondo
joan dela esango nuke. haur bat do beste saiatu da ni
toreatzen baina, lana jolas modura planteatu bazian laster,
ekin diote lanari. Arratsaldean bakearen eguna ospatu
dugu, horretarako haurrek testu batzuk irakurri dituzte eta
Europako mapa bat osatu dute maila bakoitzak
kontinenteko zati bat jarriz puzzle bat osatuko balute
bezala. Oso polita izan da eta eguraldiak asko lagundu ez
arren ondo joan da arratsaldea.