Cartas de amor

15 ARTISTAS CONTRA A VIOLENCIA DE XÉNERO SERGI SAN JULIÁN PATRICIA CASTELAO PACO ROCA MIGUEL CALATAYUD J. MÉNDEZ FAUSTO JACK MIRCALA PIRUSCA DAVID PINTOR JAVIER OLIVARES PRIMITIVO EVA VÁZQUEZ SONIA PULIDO OSCAR VILLÁN ANXOS SUMAI

Anxos Sumai Catoira , Pontevedra 1960 Documentalista, tradutora e escritora. Nos anos oitenta e noventa colaborou en distintas publicacións periódicas e libros colectivos, realizou guións para cómics (revistas Valium diez e Das capital ) e escribiu letras de cancíóns. Como narradora publicou Anxos da garda (A Nosa Terra, 2003) e Melodía de días usados (Galaxia, 2005). Publica artículos e relatos en distintas revistas e xornais ( Galicia Hoxe, La Voz de Galicia, Abril, Interea, Praza das Letras etc.). Colabora coa compañía de Teatro de Ningures co texto Deus está de vacacións , para a montaxe da obra Emigrados (2007).Foi galardoada con numerosos premios literarios. Actualmente traballa como documentalista no Consello da Cultura Galega. Fonte: Asociación de Escritores en Lingua Galega .

Fausto Catoira, Pontevedra 1961 A comezos dos anos oitenta iniciou a súa actividade na banda deseñada, coa participación en publicacións como "Aula Aberta", "Tintimán", "El Correo Gallego" ou "Atlántico Diario". Creou o fanzine "Valium dez", auténtico referente na banda deseñada dos oitenta, e a revista "Das Capital". Ademais realizou como debuxante os álbumes "Os viaxeiros do tempo" e a serie "Un misterio para Simón", até o momento a máis longa editada en Galicia. Ten levado a cabo numerosos traballos como ilustrador e deseñador gráfico. Foi o director artístico da revista "Golfiño", tanto na súa primeira (ed. Xerais) como segunda etapa (ed. La Voz de Galicia). Fonte: Cultura galega.org

Miguel Calatayud Aspe, Alicante 1942 Debuxante e ilustrador de cómic e libros infantís. Obtivo os premios máis prestixiosos do sector, como o Lazarillo de Ilustración (1974) e o Nacional de Ilustración (en 1989, 1992 e 2009). No ano 2000 foi candidato por España ao premio Hans Christian Andersen. Durante os 80 foi un dos máis destacados representantes da chamada “liña clara valenciana”. As súas composicións presentan moito colorido, utilizando para iso acuarelas líquidas. Fonte: Kalandraka.com e SOL-e

Patricia Castelao A Estrada, Pontevedra 1974 Comezou os estudos de Mediciña pero abandonounos para dedicarse á ilustración. Conta cunha ampla experiencia no campo da animación. Traballou en diversas longametraxes de animación para diferentes estudos: en DigraFilms para “ O Soño dunha Noite de San Juan ”; en Filmax para a película “ Donkey ”, e actualmente traballa no estudo “ Renderboy” de Madrid. No campo da ilustración infantil colaborou con diferentes editoriais españolas . Fonte: Web do Servicio de Orientación a la Lectura Infantil y Juvenil

Jack Mircala Mircala comezou traballando a finais dos 80 no deseño industrial e o interiorismo, pero anos despois venceu a súa vocación ás artes plásticas, e decidiu dedicarse á ilustración. O seu traballo asocia disciplinas como o debuxo, a escultura, a escenografía e a fotografía e explora a herdanza da literatura gótica, o cine de terror ou a pintura expresionista . Fonte: El País

Javier Olivares Madrid, 1964 É ilustrador e autor de cómics ocasional. Desde 1985 publicou historietas curtas en cabeceiras "alternativas" como Madriz , Medios Revoltos , Idiota e Diminuto , Nós somos os mortos ou Tose . Nos últimos anos publicou historietas infantís para as revistas Tretzevents e BD Banda , cun trazo máis limpo e simplificado A súa ocupación principal é a de ilustrador, na que desenvolveu unha éxitosa traxectoria dentro do campo da ilustración infantil ademais de publicar ilustracións en publicacións como El País (no seu suplemento Tentacións), Rolling Stone (edición española), Quo ou El Economista . Fonte: Guía del Cómic

Pirusca Caldas de Reis, Pontevedra 1980 “ Pirusca” é o alter ego da ilustradora Natalia Rei. É licenciada en Belas Artes pola Universidade de Vigo, onde se especializou en Pintura. Tras varios anos dedicada ao deseño gráfico decide centrarse na ilustración para crear os seus propios mundos e dar vida a aquilo que se lle pasa pola cabeza. Gústanlle a moda, os doces, o cine dos anos 60, os libros de ilustracións e pasear. Fonte: Web de Pirusca

David Pintor A Coruña, 1975 É ilustrador, humorista gráfico, caricaturista e pintor.En 1993 empezou a traballar co guionista Carlos López baixo o pseudónimo de Pinto & Chinto, convertíndose en poucos anos nunha referencia do humor político en prensa a nivel español. As súas tiras cómicas saen en xornais como Diario 16, La Voz de Baleares ou Diario de León . Actualmente o seu traballo aparece nas páxinas de opinión de La Voz de Galicia.No campo da ilustración, colaborou con algunhas das máis importantes editoriais.É creador, xunto a Chinto, da personaxe de cómic Tito Longueirón.Tamén realizou ilustracións para as revistas El Virus Mutante, Golfiño, BD Banda, Tretzevents, ECO, e Sapoconcho. Fonte: Web de David Pintor

Sonia Pulido Barcelona , 1973 Sonia Pulido é licenciada en Belas Artes, con especialidade de Gravado e Estampación. Colabora en publicacións como Rockdelux e é ilustradora da revista El País Semanal . Coa editorial Sins Entido publicou as novelas gráficas Puede que esta vez e Duelo de Caracoles. Recibiu o primeiro Premio de Ilustración Injuve 2002 e foi seleccionada en 2008 no Young Ilustrators Award en Zúrich. A Sonia Pulido poderíaselle definir como a ilustradora da nostalxia. Os mundos máxicos que constrúe xeran unha estraña sensación que alaga de sentimentos cada unha das súas escenas. O seu estilo, fortemente influenciado pola estética dos 40 e 50, mestura moito cor e personaxes. Fonte: Entrecomics

Paco Roca Valencia, 1969 Paco Roca é un recoñecido autor de cómics, deseñador e animador. En 2008 foi galardoado co Premio Nacional do Cómic en España grazas á súa obra “Arrugas”. Roca traballou para numerosos medios e revistas, como Kiss Comix ou El Víbora , antes de comezar a publicar obras completas como El juego lúgubre ou Hijos de la Alhambra . Moitas das súas obras foron publicadas antes en Francia que no mercado español. De entre a súa obra habería que destacar títulos como Arrugas , Calles de arena ou El invierno del dibujante , por mencionar as máis recentes. Fonte: Lecturalia. com

Sergi San Julián Barcelona, 1973 Estudou na Escola d’Arts i Oficis de Barcelona. Considerado un dos mellores expoñentes actuais da ilustración de cómic, dende 2004 a súa traxectoria artística está ligada ao mercado francés. É o creador de personaxes como ‘Gorka’ e debuxante da colección ‘Fanhunter’. Traballou para diversos xornais e revistas realizando tiras políticas. Ilustrou a serie de ciencia ficción Interface , publicada na editorial Dargaud, e colaborou cos estudos Comicon, dos que saíron á luz as obras Totally Spies e TechnoMage . Fonte: Praza das Letras.org

Óscar Villán Ourense, 1972 Licenciado na Facultade de Belas Artes de Pontevedra, na especialidade de Pintura. Colaborou co Departamento de Educación do Centro Galego de Arte Contemporánea (CGAC). “O pequeno coello branco”, co que gañou o Premio Nacional de Ilustración 1999, foi o seu primeiro álbum ilustrado. Publicou unha vintena de libros e participa en varias publicacións. Fonte: Kalandraka

Eva Vázquez Realizou estudos de animación na Escola Superior de Debuxo Profesional de Madrid. Na actualidade fai fondos para series e películas de debuxos animados. Traballa para as produtoras Ink Apache, Ibisa TV e Bee Mind. Ao mesmo tempo fai ilustracións para distintas publicacións e editoriais, Everest , Hergue, Group Loader e Grupo Pearson.

Primitivo Marcos Lugo, 1962 Autor da serie histórica de BD "Aventura no Camiño de Santiago" (ed.Deputación de Lugo). Ten colaborado no diario "El Progreso", ademais de publicar varias historias na revista "Lucus" e tiras cómicas no xornal escolar "O provisional". Colabora habitualmente na segunda etapa da revista Golfiño coa serie "Os Fdez". Fonte: Cultura Galega.org

J. Méndez Santiago de Compostela ,1956. Dedícase á pintura desde 1972, fundando con outros dous pintores o grupo FOUGA ao que se irán incorporando artistas doutros campos expresivos como a escultura, música, teatro, etc. Tamén se interesa polo mundo audiovisual, primeiro teatro e ópera, para os que deseña e realiza escenografías, logo vídeo. É o creador da empresa Escenoset da que é director artístico realizando traballos para televisión, ópera, teatro, casetas, museos, exposicións, etc. En 2002 J. Méndez reincorpórase ao mundo da pintura. Fonte:Blog do artista

Web da Exposición CARTAS DE AMOR http://cartasdeamor.freeiz.com
Información sobre os distintos artistas extraída das seguintes páxinas:
Asociación de escritores en Lingua Galega http://www.aelg.org
Cultura Galega http://www.culturagalega.org
Diario El País www.elpais.com
Editorial Kalandraka http://www.kalandraka.com
Entrecomics http://www.entrecomics.com/ ?p=50159
Guía del cómic http://www.guiadelcomic.es/autores.htm
Lecturalia http://www.lecturalia.com
Praza das Letras http://www.prazadasletras.org
Servicio de Orientacion a la Lectura Infantil y Juvenil (SOL) http://sol-e.com
Web de David Pintor www.davidpintor.com
Web de J. Méndez http://www.jmendezportfolio.es/blog/ ?p=50
Web de Pirusca http://www.pirusca.com
Equipo da Biblioteca do IES Poeta Añón (Outes)
Marzo 2011

Cartas de amor

by bibliotecaiespoetaanon

Accessibility

Categories

Upload Details

Usage Rights

1 Embed 1

Statistics

Cartas de amor Presentation Transcript