Alvarez Blázquez

17 de Maio de 2.008 Día das Letras Galegas

Este ano , a Real Academia Galega dedícalle o Día das Letras, ó escritor Xosé María Álvarez Blázquez , polo seu labor como editor e pola súa defensa da lingua e a cultura galega.

CEIP Quintela de Moaña

Álvarez Blázquez mestre

O escritor Xosé María Álvarez Blázquez naceu en Tui (Pontevedra) no ano 1915 .

Estudou Maxisterio na Escola Normal de Pontevedra

Unha vez aprobadas as oposicións de mestre, tivo a súa primeira escola na Guarda, e logo en Coia (Vigo).

A Familia

Casou co seu grande amor Mª Luisa Cáccamo e tivo seis fillos:Berta,a pintora, Alfonso ,Celso e Xosé Mª,educadores e escritores ,Elena e Colorín

O seu irmán Emilio ,tamén escribía e publicou con el ”Poemas de ti en min”.Tamén o fixeran o seu tío Xerardo Álvarez Limeses , o seu avó Emilio e o seu pai Darío.A súa curmá Amalia foi a dona de Alexandre Bóveda,e sobriños seus son Carlota Álvarez Basso,directora do Museo Marco e Darío ,afamado pintor.

Álvarez Blázquez e Galicia

En 1933 entrou nas Mocidades Galeguistas, e en 1936 no Partido Galeguista.

Sempre traballou activamente en defensa da nosa cultura

Álvarez Blázquez e a guerra

No ano 1936, (ano en que empezou a guerra civil) o seu pai foi fusilado por resistir en Tui contra as tropas sublevadas do xeneral Franco.

Despois diso, el é desterrado como castigo a unha escola de Zamora, pero antes é obrigado a entrar no exército,cumprindo servizo no Hospital Militar de San Caetano en Santiago.

Álvarez Blázquez escritor

Aos dezasete anos publicou o seu primeiro libro de poemas, «Abril» e fundou a revista literaria «Cristal».

Os seus libros máis coñecidos son, quizais, «A pega rabilonga e outras historias de tesouros», en prosa e «Roseira do teu mencer» volume de poemas dedicado á súa filla Colorín.

Roseira do teu mencer

É un poemario que lle dedicou á súa filla “Colorín”,no seu primeiro aniversario.

NENA,NENIÑA, PEQUERRECHIÑA, DURME,QUE XA DURMEN O GALO E A GALIÑA. DÚRMETE AXIÑA… SE NON TE DURMES,VEN A RAPOSA QUE GARDA O SONO DOS NENOS NA FOSA; SE NON TE DUMES,VEN A MARTARAÑA, QUE TODO O SONO DOS NENOS APAÑA; SE NON TE DURMES,VEN A DONICELA, QUE TODO O SONO DOS NENOS ARELA… CEIP Quintela de Moaña

Álvarez Blázquez e a Real Academia Galega

Ao remate da guerra, no 1939, comeza a traballar activamente en defensa da nosa cultura, ingresando, dez anos despois, na Real Academia Galega, como membro correspondente e no 1962 xa é elixido como membro numerario, ocupando a vacante de Aquilino Iglesias Alvariño.

Álvarez Blázquez editor

Fundou dúas editoriais: Editorial Monterrey e Edicións Castrelos adicadas á publicación de libros galegos. Nesta última editorial publicou «O Catecismo do Labrego», que acadou a categoría de primeiro «superventas» da literatura galega.

Álvarez Blázquez e a arqueoloxía

No ano 1949 é nomeado Comisario de Escavacións Arqueolóxicas de Vigo.

Publica numerosos artigos periodísticos e estudios de arqueoloxía.

ÁLVAREZ BLÁZQUEZ ,cronista

Escribiu artigos coas súas investigacións para case todos os xornais do momento:El Correo Gallego,Faro de Vigo,La Noche,Diario de Pontevedra .Colaborou en programas de radio e pronunciou conferencias.

Algúns dos seus artigos foron gabados e premiados en diferentes certames. Porén, un dos títulos que Álvarez Blázquez recibe con maior satisfacción é o de Cronista Oficial da Cidade de Vigo , nomeamento outorgado en 1976.

Álvarez Blázquez, un galego polifácetico

Ao longo da súa vida foi escritor de poesía, novela e teatro; investigou a literatura galega do pasado, o folclore e a prehistoria e foi o co fundador da primeira editorial no noso idioma.