Uxio Novoneyra. Letras Galegas 2010

UXÍO NOVONEYRA Letras Galegas 2010

• Uxío Novoneyra nace o 19 de xaneiro de 1930 en Parada de Moreda, unha aldea do Courel, onde pasa a nenez e a mocidade, o que terá unha influencia decisiva na súa obra.

• Estuda o bacharelato en Lugo onde coñece a Manuel María.

Logo vivirá dous anos en Madrid, cidade na que fará o exame de Estado e na que se matriculará como ouvinte en Filosofía e Letras. Por estes anos tamén comezará a escribir en castelán, publicará na revista Bengala dous poemas e dará o seu primeiro recital poético.

Volve a Galicia para facer o servizo militar. En Compostela entrará en contacto co galeguismo e comezará a escribir en galego

• Unha pleuresía terao recluído varios anos na súa casa do Courel, aínda que participa nalgúns actos culturais como o recital celebrado en Compostela dentro do ciclo “Homenaje a la poesía gallega”. • Nesta época Galaxia publica Os Eidos (1955) cun prólogo de Ramón Piñeiro.

Panos brancos esfiañados da nebra ouveando polos vales polos soutos i as devesas marelas en busca dun caborco ou dunha valiña outa que os acolla i os faga acougar! Fiañas da nebra rubindo e baixando á gaiola do aire Polas serras érmedas e polos soutos despidos do Nadal! Os Eidos

• Volve de novo a Madrid onde pasará catro anos. Alí traballará na radio e na TV en programas relacionados coa poesía e estará en contacto cos artistas e escritores que vivían daquela na capital do Estado, entre eles os integrantes do Grupo Brais Pinto. • No 1966 publica Elegías del Caurel y otros poemas, libro bilingüe castelán-galego que será editado posteriormente no ano 1991 só en galego co título de Tempo de Elexía. • No ano 1966 regresa tamén definitivamente a Galicia.

Fostes onte carreiriña para quedar mofo na pedra. MARÍA MARIÑO CAROU: A Galicia. Os que así nos tein Só tein noso os nosos nomes no censo, Que hasta o noso sudor sin alento pérdese na terra. GALICIA, será a miña xeración quen te salve? Irei un día do Caurel a Compostela por terras libradas? Non, a forza do noso amor non pode ser inutle! Elegías del Caurel y otros poemas

• Novoneyra permanecerá no Courel ata o ano 1983. • Durante estes anos publicará Os Eidos 2 (1974), ilustrado por Laxeiro, e Poemas Caligráficos (1979) e tamén traducirá ao galego varios poemas de Mao Zedong.

DEVESA DE ROGUEIRA Bidueiros cimeiros! Pena das Augas! Xardois teixos Rebolos tocos faias derrubadas! Camiño da Veneira! Carreiro dos dez regueiros! Cereixas de carnabudo! Abrotias abrairas Pincheiras e pincheiras! / Eiquí sempre foi bosque… Ruxir solo Da fonte do corzo! Barbas de mofo Pingando dos toros! Os Eidos 2

• Desde 1983 ata a súa morte no 1999 vivirá en Compostela, onde se fará cargo da presidencia da Asociación de Escritores en Lingua Galega. • Nestes anos publica Muller para lonxe (1986), Do Courel a Compostela 1956-1986 (1988), Poemas de doada certeza i este brillo premido entre as pálpebras (1994), Camelio xaponés (1995), Betanzos: Poema dos Caneiros e Estampas (1997). • Tamén escribe dous contos de aventuras para nenos ambientados no Courel: O cubil do xabarín (1991) e Gorgorín e Cabezón (1992). • No ano da súa morte, 1999, publicará Onde só queda alguén para aguantar dos nomes en coautoría con Emilio Araúxo, co que xa fixera tamén o libro de conversas Dos soños teimosos (1998). • Postumamente sairá publicado Arrodeos e desvíos do Camiño de Santiago e outras rotas (1999).

ELEXÍA POR UN SOUTO SOUTO de Leburín amarelo antetempo e aburado por fin! Este brillo premido entre as pálpebras

Novoneyra morre en Compostela o 30 de outubro de 1999.

http://www.coordinadoraendl.org	407
http://blogfesquio.blogspot.com	72
http://cprsagradafamilialdan.blogspot.com	51
http://saedacuncha.wordpress.com	46
http://endlasmercedes.blogspot.com	27
http://blogfesquio.blogspot.com.es	16
http://agromuinoendl.blogspot.com	16
http://www.slideshare.net	16
http://www.espaciorientacion.es	14
http://lagartodixital.blogspot.com	14
http://endlasmercedes.blogspot.com.es	10
http://www.agromuinoendl.blogspot.com	8
http://galegoparatic.blogspot.com	7
http://lagartodixital.blogspot.com.es	6
http://eva-audicionelinguaxe.blogspot.com	3
http://www.edu.xunta.es	3
http://www.blogoteca.com	2
http://blogfesquio.blogspot.mx	2
http://saedacuncha0910.wordpress.com	1
http://poetasdelugo.blogspot.com	1
http://www.blogfesquio.blogspot.com	1
http://static.slidesharecdn.com	1
http://blogfesquio.blogspot.com.ar	1

Uxio Novoneyra. Letras Galegas 2010

by Coordinadora Galega ENDL on Mar 28, 2010

Accessibility

Categories

Tags

Upload Details

Usage Rights

23 Embeds 725

Statistics

Uxio Novoneyra. Letras Galegas 2010 — Presentation Transcript