Оюуны нахиа бүрэн дунд сургуулийн элсэлтийн журам

1. “Оюуны нахиа” бүрэн дунд сургуулийн
элсэлтийн журам
Нэг. Нийтлэг үндэслэл
1.1 “Оюуны нахиа” дунд сургуульд шинээр болон нэмэлтээр сурагч элсүүлэхэд энэхүү
журмын зорилго оршино.
1.2 Бага дунд боловсролын тухай хуулийн 12.4 т заасны дагуу жил бүр 1-р ангидаа 6
настай хүүхдүүдийг шинээр элсүүлэх ба 2-12-р ангидаа сул орон тоон дээр нэмэлт
элсэлтээр сурагчдыг элсүүлнэ.
Хоёр. Элсэлт зохион байгуулах
2.1 Элсэлтийг жил бүрийн хавар 4 сарын 15 наас 4 сарын 30ны хооронд, намар 8 сарын
15наас 8 сарын 30ны хооронд зохион байгуулна.
2.2Элсэлтийн үйл ажиллагааг “Элсэлтийн комисс” томилогдон зохион байгуулна.
2.3Элсэлтийн комисс нь сургалтын менежер, багш нараас бүрдсэн 3-5 хүний
бүрэлдэхүүнтэй томилогдоно.
2.4Элсэлтийн комисс 4 сарын 1нээс эхлэн элсэлт авах зар түгээж, сургууль сурталчлах,
үйл ажиллагааг нь таниулах ажлыг зохион байгуулж, заасан хугацаанд элсэлтийн
бүртгэлийг хийнэ.
Гурав. Элсэлтийн бүртгэл
3.1Бүртгэл жил бүрийн 4 сарын 15 болон 8 сарын 15нд эхлэх ба ажлын өдөр бүр 10-18
цагийн хооронд явагдана.
3.2Нэгдүгээр ангид элсэгчид бүртгүүлэхдээ дараах материалыг бүрдүүлнэ. Үүнд:
 Төрсний гэрчилгээ
 3х4 хэмжээтэй нэг хувь цээж зураг
 Бүртгэлийн хураамж
3.3 2-12-р ангид нэмэлт элсэлтээр элсэн орж байгаа сурагчдаас математик, монгол
хэлний хичээлийн стандарт агуулгаар түвшин тогтоох шалгалт авна.
3.4 Нэмэлт элсэлтээр орж байгаа сурагчид хоцрогдлын түвшингөөс хамаарч төлбөртэй
болон төлбөргүй давтлагад хамрагдана.
Дөрөв. Бэлтгэл бүлгийн сургалт
4.1 Нэгдүгээр ангид элсэн суралцах хүсэлтэй сурагчид бэлтгэл бүлгийн сургалтанд
хамрагдана.
4.2Бэлтгэл бүлгийн сургалт 30 хоног үргэлжилнэ. Нийт 80 цагийн хичээл орно.
4.3Бэлтгэл бүлэгт дараах чадваруудыг эзэмшинэ. Үүнд:
 Шууд ба урвуугаар тоолох чадвар, юмсыг төсөөтэй ба ялгаатай чанараар
ангилах, бүлэглэх чадвар, 1-10 хүртэлх тооны бүтэц, тоог жиших, тодорхой дэс
дарааллаар байрлуулах чадвар, дүрс болон цифр бичих чадвар
 Үндсэн эгшгийг зөв дуудах, урт, богино, хос эгшгийг ялган дуудах, 1-р шатны 8
гийгүүлэгчийг зөв таних, зөв дуудах, 1-2 үетэй үг болон богино эхийг үелэн зөв
унших чадвар, үндсэн зурлага болон үзсэн үсгүүдээ бичмэлээр бичих чадвар
“Оюуны нахиа” сургуулийн захиргаа